विराटनगर, २ चैत । मुत्तकसागर पत्रिका काठमाडौंको आयोजना र पुर्वाञ्चल साहित्य प्रतिष्ठानको संयोजनमा मुक्तक गोष्ठी सम्पन्न भएको छ । विराटनगरमा सोमबार आयोजना भएको कार्यक्रममा विराटनगर, इटहरी, झोराहाट, मकवानपुर, स्याङ्जा र सिक्किमका करिब एक सय मुक्तककारहरूको उपस्थिती रहेको थियो ।

यस्तै मुक्तककार भुषण ढुङ्गेललाई मुक्तकसागर सम्मान २०७७ बाट सम्मान गरिएको छ । सम्मान प्रति हौसला र थप जिम्बेवारी थपिएको ढुङ्गेलले बताए ।

कार्यक्रममा चुडामणी नेपाल ‘अकिञ्चन’, मिलन समिर, बिर्खे अञ्जान, अनन्त अर्याल, बद्री भिखारी, कविता केसरी, प्रयाग न्यौपाने, राधा भट्टराई, जिविका अश्रु, लक्ष्मी आचार्य, लक्ष्मी स्मृती, प्रा. विवश पोखरेल, प्रकट पंगेनी शिव लगायतले आफ्ना तीनतीन वटा मुक्तक वाचन गरेर कार्यक्रमको माहोल बनाएका थिए ।

कार्यक्रममा अग्रज साहित्यकार दधिराज सुवेदी, प्रा. खेम नेपाली, बाबा बस्नेत, प्रमोद प्रधान, भरत गुरागाईँ, प्रमोद ढकाल ‘प्रिन्स’, रामबाबु दाहाल, मधु पोखरेल, शिवनारायाण पण्डित ‘सिङ्गल’, मीनकुमार नवोदित, ममता मृदुल लगायतको सहभागिता रहेको थियो ।