विराटनगर । उदयपुरको गाइघाटमा १५ सय भन्दा वढी लघुवित्तमा आवद्ध महिलाहरुको उपस्थितिमा वित्तीय साक्षरता राष्ट्रिय अभियान कार्यक्रम सम्पन्न भएको छ । । नेपाल लघुवित्त बैंकर्स संघ कोशी प्रदेशको आयोजनामा उदयपुर जिल्ला अन्तर्गतका सम्पूर्ण लघुवित्त वित्तीय संस्थाकाहरुको संयोजनमा वित्तीय साक्षरता राष्ट्रिय अभियानका कार्यक्रम सम्पन्न भएको हो ।
उपस्थित महिलाहरुले लघुवित्त हाम्रो साथी हो, लघुवित्त हामीलाई चाहिन्छ, लघुवित्त जिन्दावाद, कर्मचारीको सुरक्षाको ग्यारेण्टी गर, भन्ने नारा सहित प्लेकार्ड बोकेर गाईघाट वजार परिक्रमा गरी द इम्पायर इन होटलमा औपचारिक कार्यक्रम गरेका थिए ।
कार्यक्रममा बोल्दै लघुवित्त वित्तीय संस्थाले महिलाहरुलाइलाई उद्यमी वनाउन, सशक्तिकरण गर्नुका साथै जीवन परिवर्तनको सम्वाहका रुपमा रहेको त्रियुगा नगरपालिकी उप प्रमुख महेश्वरी राईले बताइन । कार्यक्रमको औचित्य माथी प्रकाश पार्दै महूली लघुवित्त वित्तीय संस्थाका प्रमुख कार्यकारी अधिकृत गंगाधर पाण्डेले आजको चुनौतिपूर्ण अवस्थामा कुनै भ्रममा नलागी लघुवित्तलाई यसको मर्म र भावना अनुसार संचालनमा सहयोग गर्नुपर्ने कुरामा जोड दिएका थिए ।
यसैगरी कार्यक्रममा उद्योग वाणिज्य महासंघ उदयपुरका अध्यक्ष चुडामणि कार्कीले अहिले लघुवित्तहरुले वैंक भन्दा पनि सस्तो व्याजमा गाउँ गाउँमा गई आफ्नो सेवा प्रदान गरिरहको वताएका छन् ।त्यस्तै कार्यक्रममा फरवार्ड लघुवित्त वित्तीय संस्थाकी विभागीय प्रमुख हिरा कुमारी थन्दारले लघुवित्तले महिलाहरुलाई सशक्तिकरण गर्दै लगेको कुरा विर्सन नहुने र दुख सुखको साथी भएको स्मरण गराएकी थिइन् ।
कार्यक्रममा नेपाल लघुवित्त बैकर्स संघ कोशी प्रदेश संयोजक संजय कुमार मण्डलले लघुवित्त वित्तीय संस्थामा देखिएको समस्याहरुलाई सवै लघुवित्त वित्तीय संस्था मिलेर महिलाहरुको हितमा लाग्नु पर्ने र आजको भ्रमपूर्ण अवस्थालाई चिर्दै आगामी दिनमा सबैले नेपाल राष्ट्र वैंकको नीति र महिलाहरुको आवश्यकलाई ध्यान दिदै संचालन गर्नु पर्ने बताएका थिए।
कार्यक्रममा जिल्लाका सवै सरोकारवाला स्थानीय निकायहरु, पत्रकार, उद्योग वाणिज्य महासंघका अध्यक्ष, विभिन्न लघुवित्त वित्तीय संस्थाको प्रमुख कार्यकारी अधिकृत, नायव कार्यकारी अधिकृत, विभागीय प्रमुख, अनुगमन अधिकृत लगायतको कर्मचारीहरुको उपस्थिति रहेको थियो ।
Post Views: 12