विराटनगर, २८ असार । बरगाछीमा सडक बिचमा रहेका खाल्डाका कारण दुर्घटनाको जोखिम बढेको छ । ६ लेन सडक खण्ड अन्र्तगत बरगाछीमा लामो समयदेखि सडक निर्माण कार्य अलपत्र छाडीएको छ । सडक निर्माण कार्य अलपत्र छाडीएका कारण बरगाछीका दिनहुँ दुर्घटना हुने गरेका छन् ।

निशेधाज्ञाका कारण केही समय सवारीसाधनको चाप घटेको थियो । तर, निशेधाज्ञा खुकुलो हुँदै गएपछि सवारीसाधनको चाप बढ्न थालेको छ । बरगाछीमा सडक बिचमा सडक बिचमा रहेका खाल्डाकै कारण ट्राफिक जाम हुनका साथै दिनहुँ दुर्घटना हुने गरेको छ ।

बरगाछीको सडक निर्माणमा सम्बन्धित पक्षको ध्यान नजाँदा जोखिम मोलेर गाडी चलाउन परेको चालकहरूले बताउने गरेका छन् । उक्त स्थानमा रातीको समयमा सवारी चलाउन थप समस्या हुनेगरेको उनिहरूको भनाई छ ।

सडकको खाल्डोकै कारण सवारी जाम हुने र दिनहुँ साना ठुला दुर्घटना भईरहेको ड्युटीमा रहेका ट्राफिकले बताए ।

बरगाछीमा सडक बिचमा रहेका खाल्डोकै कारण केही समय अगाडी ट्रकले ठक्कर दिँदा स्तम्भ समेत भत्किएको थियो । तर, अझैसम्म उक्त सडक मर्मतमा सम्बन्धित पक्षले ध्यान नदिएको स्थानियले बताए ।