जुगेश दास

सुनसरी, ४ साउन । साउन महिनालाई विशेष रूपमा भगवान् शिवको विशेष महिना मान्ने गरिन्छ । धार्मिक आस्थाका साथै विशेष गरि भगवान शिवसङ्ग जोडिएकाले यस महिनालाई शिवको महिना पनि भनिएको हो । सबै महिनाहरू मध्ये यस महिनालाई पवित्र महिनाको रूपमा मान्ने गरिन्छ ।

भगवान शिवसँग आस्था राख्ने हिन्दु धर्मलम्बिहरूको देशभरका शिवालयहरूमा पुजापाठ, आरधना, व्रत उपसना गर्न भीड लाग्ने गर्छ । साथै साउन महिनालाई शिवजीको महिना र सोमबारलाई शिवको बार भनिन्छ । यसै कारणले साउन महिनाको प्रत्येक सोमबार देशभरका शिवालयहरूमा भक्तजनको भीड लाग्दछ ।

विशेष गरेर काठमाडौंको पशुपतिनाथ, धरानको पिण्डेश्वर, भारतको बैजनाथ धाम लगायतका शिवालयहरूमा भक्तजनहरुको भिड लाग्ने गर्छ । शिव पुजनका लागि विशेष रूपमा बेलपत्र, धतुर फुल, गाजा, भाङ्ग, चम्पाको फुल, गाइको दुध शिव लिङ्गमा चढाउनाले शिव छिटो प्रसंग हुने विश्वास रहेको छ ।

यस महिनामा विवाहित महिलाहरू हातमा हरियो चुरा, मेहन्दी, हरियो रातो कपडा लगाउने , गालामा पोते लगाउनाले पतिको आयू बढने र अविवाहित महिलाहरूले लगाएमा मनले चिताएको पूरा हुने धार्मिक विश्वास रहेको छ ।

गत बर्ष पनि कोरोना महामारीका कारण साउन महिनामा देखिने उत्साह तथा चहलपहल निकै घटेको थियोे । यस वर्ष पनि कोरोनाका कारण चहलपहल कम देखिन्छ ।

कोरोना महामारीकै कारण यस बर्ष पनि साउन महिना उत्साह जनक नहुने भएकोे छ ।