विराटनगर । प्रदेश १ का आन्तरिक मामिला तथा कानूनमन्त्री केदार कार्कीले प्रदेश सरकारले विपद् हुनपूर्व नै नागरिकलाई सुरक्षित स्थानमा सार्नका लागि जोखिम क्षेत्रको नक्साङ्कनको काम अन्तिम चरणमा पुर्याएको बताएका छन् ।बिहीबार सुनसरीको चतरामा आयोजित विपद्का समयमा सुरक्षाकर्मीको पूर्व अभ्यास कार्यक्रममा मन्त्री कार्कीले सधैँको वर्षापछि आउने समस्यालाई समाधान गर्नका लागि सरकारले बजेटको व्यवस्थापन गरेर काम गरेको बताएका हुन् ।

मन्त्री कार्कीले विपद्का बेला हरेक नागरिकको जिम्मेवारी उत्तिकै रहने भएकाले विपद्का बेला श्रोत साधनसहित मानसिक रूपमा तयार जनशक्ति उत्पादन गर्ने उल्लेख गरे ।‘पहिले पहिले पनि बाढी आउँथ्यो, आगलागी हुन्थ्यो तर समाजकै जनशक्ति कसैले त्यो नियन्त्रण हुने हुन्थ्यो,’ उनले भने, ‘अहिले कहीँ विपद् प¥यो भने, मान्छे मोबाइल निकाल्छन र फोटो खिच्न थाल्छन्, सामाजिक सञ्जालमा हाल्छन् अनि सुरक्षाकर्मी, नेता खोइ रु भन्दै प्रश्न गर्न थाल्छन् ।’

समाजमा सबै जिम्मेवार भएर काम गर्नुपर्नेमा उनको जोड थियो । सुनसरीका प्रमुख जिल्ला अधिकारी इन्द्रदेव यादवले विपद् व्यवस्थापनको क्षेत्रमा प्रदेश सरकारले महत्त्वपूर्ण सहयोग गर्दै आइरहेको बताए ।

विपद्का बेला हुने घटनालाई अभ्यासमार्फत चित्रण गर्दै उद्वारको काम गरिएको थियो ।