विराटनगर । विराटनगरको सेन्टजोसेफं कलेजले भोली शनिबार फ्रेसर पुल पार्टीको आयोजना गर्ने भएको छ। कक्षा ११ मा भर्ना भएका नयाँ विद्यार्थीहरूका लागि लक्षित गरि ‘फ्रेसर पुल पार्टी’ आयोजना हुने भएको हो । कार्यक्रम कक्षा १२ का होटल म्यानेजमेन्टका विद्यार्थीहरुले आयोजना गने भएका हुन्।

कलेजका निर्देशक रोहित जंग थपलियाका अनुसार, यस्तो खाले कार्यक्रम विराटनगरमा पहिलो पटक हवाई र समुद्र किनारको थिममा आयोजना हुन लागेको बताएका छन्। कार्यक्रमस्थल कृत्रिम छाप्रा र नरिवलका रुखहरूले सजाईने भएको छ , जसले समुद्र किनारको वातावरण सिर्जना गर्नुका साथै बीच पार्टीमा पाइने सम्पुर्ण खानेकुरा पाइने छ।

कार्यक्रममा सिरश ब्यान्ड, डिजे ईश्वर र लाइभ म्युजिकको प्रस्तुति हुनेछ। साथै, विद्यार्थीहरूले हुलाहुप र लिम्बो जस्ता खेलहरू खेल्न पाउनेछन्। कार्यक्रम भोली शनिबार दिउँसो ४ बजेदेखि बेलुका ९ बजेसम्म सञ्चालन हुनेछ। यसले कलेजमा कक्षा ११ मा भर्ना भएका नयाँ विद्यार्थीहरूलाई एक अर्कासँग परिचित हुने र कलेज जीवनको सुरुवात गर्ने अनौठो अवसर प्रदान गने निर्देशक थपलियाले बताए।

कार्यक्रमको व्यवस्थापन म्यानेजमेन्टका विद्यार्थीहरुले तथा प्राविधिक व्यवस्थापन साइन्सका विद्यार्थी र सम्पूर्ण फुड लगायतको व्यवस्थापन होटल म्यानेजमेन्टका विद्यार्थीहरु आफैँले गर्ने छन् ।