विराटनगर । विराटनगरको सेन्टजोसेफं प्लस टुले कक्षा ११ मा भर्ना भएका नयाँ विद्यार्थीहरूलाई स्वागत गरेको छ । शनिबार स्कुल परिसरमा एक फरक कार्यक्रमको आयोजना गरेर विद्यार्थीहरूलाई स्वागत गरेको हो ।

‘फ्रेसर पुल पार्टी’ आयोजना गरेर विद्यार्थीहरूलाई स्वागत गरिएको कलेजका डाइरेक्टर रोहितजंग थपलियाले बताए । विराटनगरका अन्य कलेजहरु भन्दा फरक रूपमा सेन्टजोसेफलाई चिनाउन कार्यक्रम गरिएको थियो । कक्षा १२ मा अध्ययनरत विद्यार्थीहरूले कार्यक्रमको सम्पूर्ण जिम्मा लिएर सफलतापूर्वक सम्पन्न गरेका थिए ।

कार्यक्रमकै अवसरमा कलेजमा नयाँ भर्ना भएका तथा कक्षा १२ का विद्यार्थीहरु विच प्रतिषपर्धा गरी मिस एण्ड मिस्टर फ्रेसर समेत छनोट गरेको थियो । साथै कार्यक्रममा विद्यार्थीहरुले विभिन्न किसिमका खेलहरुको समेत आयोजना गरिएको थियो भने उत्कृष्ट हुने विद्यार्थीहरुलाई पुरस्कृत समेत गरिएको थियो ।

‘कार्यक्रम हवाई र समुद्र किनारको थिममा आयोजना गरिएको थियो । ‘कार्यक्रमस्थलमा कृत्रिम छाप्रा र नरिवलका रुखहरूले सजाएर समुन्द्र किनारको वातावरण सिर्जना गरिएको गरिएको कारण अन्य भन्दा फरक देखीएको थियो । ।

कार्यक्रममा सिरश ब्यान्ड, डिजे ईश्वर र लाइभ म्युजिकको प्रस्तुति समेत गरिएको थियो । कार्यक्रमको व्यवस्थापन म्यानेजमेन्ट, प्राविधिक व्यवस्थापन विज्ञान र सम्पूर्ण फुड लगायतको व्यवस्थापन होटल म्यानेजमेन्टका विद्यार्थीहरूले गरेका थिए ।