सुनसरी । चौधौ महाधिवेशनको कार्यक्रममा भोक्राहा नरसिंह गाउँपालिकामा विवाद भएको छ । गाउँपालिकाको पृथ्वीनारायण शाह माविको मैदानमा सामान्य हातपात समेत भएको छ ।

गाउँपालिकामा उम्मेदवारहरुले आफ्नो उम्मेदवारी दिएपनि दावी बिरोध कार्यक्रम सकेपछि अधिकृतले कार्यक्रम बन्द गरेको घोषना गरेपछि घर जाने वेलामा देउवा समुहका कार्यकर्ताले अधिकृतलाई घेराउ गरेका थिए ।
अधिकृतलाई गेट बन्द गरेर जान नदिएपछि सुरक्षाकर्मीको टोलिले विवादित स्थलमा पुगेर अधिकृतलाई सुरक्षा प्रदान गरेका थिए ।
उम्मेदवारीमा पौडेल समुहका तर्फबाट पुर्व सभापति समेत रहेका युवराज दाहालले उम्मेदवारी दिएका छन् भने देउवा समुहबाट सुनसरी क्षेत्र न ४ का वर्तमान सचिब समेत रहेका राजेन्द्र मेहता र देवनारायण महतोले उम्मेदवारी दिएका थिए ।

उम्मेदवारी दिएपछी राजेन्द्र मेहताले स्थानीय तहको स्वतन्त्र उम्मेदवार मुन्तजीर मियालाई समर्थक गरकाले मेहता विरुद्ध पौडेल समूहका कार्यकर्ताले दाबी विरोधमा निवेदन दर्ता गराएका थिए । निवेदन दर्ता भए पश्चात् मेहताले पछाडि सरेपछी अर्का उम्मेदवार देवनारायण मेहतालाई अगाडि बढाएको छ । मेहताले अहिलेपनि सभापति पदका लागि गुहार गर्दै दुवै समुहबीच शनिबार पनि भनाभान र हातपात समेत भएको थियो ।

विवादित स्थलमा जिल्ला सदस्य सुनिल साह र पुर्व सभापति युवराज दाहाल आए लगत्तै क्षेत्र नम्बर ४ ’ख’ का सभापति हारुन अन्सारीको नेतृत्वमा भर्खरै निर्वाचित वडा नम्बर ६ सभापति जिब्राइल मन्सुरी लगायतका दर्जनौं देउवा समुहका कार्यकर्ताले दाहाल र साह माथी आक्रमण गर्ने प्रयास गरेका थिए । दाहाल र सुनिललाई पौडेल समुहका कार्यकर्ता र प्रहरी प्रशासनले सुरक्षा प्रदान गरेको युवा नेता सेराज मियाले बताए ।

त्यसैगरी देउवा र पौडेल समुहबीच धैरे लामो समयसम्म चर्काचर्की र दुवैसमुहका कार्यकर्ताबीच सामान्य हातपात, होहल्ला भएको युवा नेता मियाले बताए । काङ्ग्रेसका नेताले नाम नखुलाउने शर्तमा भने, मन्त्री कार्कीले केन्द्रमा बसेर भोक्राहा नरसिंह गाउँपालिका भित्र चलखेल, एकआपसमा लडाउने काम गर्दै आएकोले यसको खेद व्यक्त गरेका छन् ।

निर्वाचन अधिकृतलाई क्षेत्रीय सांसद तथा नेपाल सरकारका कानुन मन्त्री ज्ञानेन्द्र बहादुर कार्कीले त्यहाँ पठाइएको समेत खुलासा भएको छ । काङ्ग्रेसका एक नेताले भने, निर्वाचन अधिकृतलाई माथीबाट फोन गरेर मन्त्रीले शर्कुलर अनुसार चल्नुपर्छ भने थ्रेड दिएको केहि छिनपछि निर्वाचन आयोगबाट बाघी उम्मेदवारीहरुको कार्यशैली र उनलाई समर्थक गरेकाहरु विरुद्ध विरोध भएकोले अधिकृतले कानुन नियम एेन अनुसार गलत गर्नेलाई कार्वाही गर्ने बताए थिए ।