विराटनगर । बिभिएस स्कुलले १२ कक्षाको परीक्षा सम्पन्न गरेका होटल म्यानेजमेन्टका ९० जना छात्र छात्राहरुको बिदाई कार्यक्रम सम्पन्न गरेको छ ।

बिराटनगर इन्टरनेशनल कलेजको सभाहलमा सम्पन्न गरिएको सो कार्यक्रममा बिआईसिका सिईओ ऋषिकेश वाग्लेको प्रमूख अतित्थ्य रहेको थियो । त्यसै गरी बिवेक दाहाल र रोनक अग्रवालले पनि ब्यक्तित्व विकास तथा उच्च शिक्षाका अवसर र चुनौतिहरुको बारेमा बिद्यार्थिहरुलाइ छोटो वर्कसप समेत प्रदान गरेका थिए।

कार्यक्रममा उच्च शिक्षाका लागि शुभकामना दिँदै कलेजका प्रिन्सिपल पराग ढुँगाना संचालकहरु दिपेन भट्टराई, केशव न्यौपाने, शेखर ढकाल, गुणानन्द महतो लगायतले बिद्यार्थिहरुलाइ मायाको चिनो वितरण गरेका थिए । भने कार्यक्रम संचालक बिआईसिको तर्फबाट उपस्थित बिद्यार्थिहरुलाई प्रमाणपत्र समेत वितरण गरिएको थियो। उक्त बिदाई कार्यक्रममा बिभिएसका २०७६ ब्याचको स्टुडेन्ट अफ द ईयर को तक्मा कलेजका छात्र संजित थापालाई प्रदान गरिएको कलेज प्रशासनले बताएको छ। छोटो समयमै होटल म्यानेजमेन्टमा बिराटनगरमा अलग पहिचान बनाउन सफल बिभिएस उ .मा .बि फेशन डिजाईनिङको बिराटनगरको एक मात्र कलेजको रुपमा चिनिन्छ।