विराटनगर । प्याब्सन नगर कार्यसमिति विराटनगरको दोस्रो अधिवेशनबाट निर्वाचित कार्यसमितिहरूको पदस्थापन भएको छ । विराटनगरमा बुधबार एक कार्यक्रम आयोजना गरि उनीहरुलाई निवर्तमान कार्यसमितिले पद हस्तान्तरण गरेको हो ।

निर्वाचन समितिका प्रमुख आयुक्त तथा प्याब्सनका केन्द्रीय प्राज्ञिक सल्लाकार डा. उद्धब पोखरेलले निर्वाचित पदाधिकारी र सदस्यहरुलाई प्रमाणपत्र बितरण गरेका थिए । भदौ ३१ गते भएको निर्वाचनबाट प्याब्सन विराटनगरको अध्यक्षमा मोहन बुढाथोकी निर्वाचित भएका थिए ।

समितिको उपाध्यक्षमा अर्जुन श्रेष्ठ, सचिबमा अशोक लामा, सह–सचिब हिरा थापा, कोषाध्यक्षमा नन्द्धलाल मण्डल र सह–कोषाध्यक्ष गोपाल रिजाल निर्वाचित भएका छन् । यस्तै समितिको अन्य सदस्यहरूमा यादव प्रधान, चिरनजिवी तिम्सिना, देवीलाल महतो, सिमा अग्रवाल, दिनेश ढुंङगाना रहेका छन् ।

कार्यक्रममा बोल्दै नवनिर्वाचित अध्यक्ष मोहन बुढाथोकीले प्याब्सनले संचालन गरिरहेका प्याब्सन आँगन, फुटबल टुर्नामेन्ट जस्ता विभिन्न कार्यक्रमको संरक्षण तथा प्रवद्र्धन गर्न लागिपर्ने बताए । बुढाथोकीले विद्यालयले व्यवसायीक कर समयमा बुझाउन नसकेका कारण महानगरले कक्षा ८ को मार्कसिट रोकेको भन्दै दुःख ब्यक्त गरे । मार्कसिट रोकिएका कारण एक विद्यालयबाट अर्को विद्यालयमा जाने विद्यार्थीलाई समस्या भएको उनले बताए । यस विषयमा महानगरले सोच्नु पर्ने उनले बताए । आफ्नो कार्यकालमा धेरै राम्रा काम गर्ने पनि उनले प्रतिबद्धता जनाएका छन् ।

यस्तै महानगरका शिक्षा महाशाखा प्रमुख दुर्गाप्रसाद खतिवडाले कक्षा – ८ को मार्कसिट शिक्षा महाशाखाका कारण नरोकिएको बताए । विद्यालयले व्यवसायीक कर तिर्न ढिलो गरेका कारण रोकिएको बताए । यस विषयमा शिक्षा महाशाखाले मात्र केही गर्न नसक्ने र महानगरको राजश्व शाखा लगायतसँग समन्वय गरेर अघि बढ्नुपर्ने बताए