इनरुवा । प्राज्ञिक विद्यार्थी परिषद् नेपाल इनरुवा नगर इकाईले एक दिवसीय अभ्यास बर्ग सम्पन्न गरेको छ ।
सुनसरी बहुमुखी क्याम्पसमा शुक्रबार भएको अभ्यास बर्गमा विभिन्न कलेजका विद्यार्थीहरूको प्रतिनिधित्व रहेको थियो ।
इनरुवा नगर इकाईका अध्यक्ष इश्वर पण्डितको अध्यक्षतामा भएको कार्यक्रममा प्राज्ञिक विद्यार्थी परिषद नेपालका केन्द्रिय सदस्य मनिप ओझा र केन्द्रिय सदस्य सौरभ विश्वकर्माकोे सहभागिता रहेको थियो ।
केन्द्रिय सदस्य ओझाले राष्ट्र पुर्णनिर्माण, व्यक्ति निमार्ण, असल व्यक्तिमा हुनु पर्ने गुणहरूको बारेमा जानकारी दिनुभएको थियो । साथै राष्ट्रको नाममा संकल्प पनि गराउनु भएको थियो । विश्वकर्माले विधार्थी परिषदको कार्यपद्धति र उदेश्यका बारेमा बताउनुभएको थियो ।
अभ्यास वर्गमा विद्यार्थीहरूलाई विभिन्न विषय, परिषदको सैद्धान्तिक भुमिका, कार्य पद्धति, सामाजिक कार्यमा गर्ने कला र विद्यार्थी जीवनमा गर्नुपर्ने कार्यहरूको बारेमा प्रशिक्षण प्रदान गरिएको थियो ।
यस्तै इनरुवा १५ सदस्यीय नगर इकाई समिति समेत गठन गरिएको छ । नवगठीत समितिमा नगर उपाध्यक्षमा प्रेमा पोखरेल, सचिवमा उज्ज्वल कार्की, नगर सह–सचिवमा सोभा विक र सन्नि मण्डल, छात्रा प्रमुख रमिता उराँव र सह–संयोजकमा मुन्दिका मुखिया चयन भएका छन् ।
यस्तै मिडिया संयोजक मनोज साह र मिडिया सह–संयोजकामा सुस्मिता उराँव चयन भएका छन् । यसैगरी सदस्यहरूमा अजय कुमार साह, देव चन्द मेहता, कविता यादव, निशा विक, रुबी कुमारी मेहता, विष्णु कुमार साह, पंकज यादव लगायत चयन भएका छन् ।
Post Views: 4