विराटनगर । ६६ औँ प्रहरी दिवसको अवसरमा विराटनगर बसपार्कमा निःशुल्क स्वास्थ्य शिविरको आयोजना गरिएको छ । जिल्ला ट्राफिक कार्यालय मोरङ, नेपाल यातायात व्यवसायी महासंघ मोरङ र यातायात मजदुर संघको संयुक्त आयोजनामा स्वास्थ्य शिविर संचालन गरिएको हो ।

निःशुल्क शिविरमा नोवेल मेडिकल कलेज र नेपाल औषधी व्यवसायी संघ जिल्ला शाखा मोरङले समन्वय गरेका छन् ।

६६ औँ प्रहरी दिवसको अवसरमा तीन जना सवारी चालक पनि सम्मानित भएका छन् । सम्मानित हुने सवारी चालकमा धर्मकुमार अधिकारी, दीपक बुर्जा मगर र अम्बिका अधिकारी रहेका छन् ।

यस्तै विराटनगर बसपार्क व्यवस्थापन समितिका अध्यक्ष पदम कुमार श्रेष्ठ सम्मानित भएका छन् । कोरोना महामारीका खेलेको विशेष भमिकाको मुल्याङ्कन गर्दै उनलाई सम्मान गरिएको हो ।

यस्तै निःशुल्क औषधी उपलब्ध गराउने नेपाल औषधी व्यवसायी संघ मोरङ र शिविरमा सहयोग गर्ने नोवेल मेडिकल कलेजलाई सम्मान गरिएको छ ।

उक्त अवसरमा यात्रु सहायता कक्षको समेत उद्घाटन गरिएको छ । प्रदेश १ प्रहरी कार्यालय विराटनगर प्रहरी नायव महानिरिक्षक अरुण कुमार विसिले यात्रु सहायता कक्षको उद्घाटन गरेका थिए । उनले यात्रुहरूको सुविधाका लागि आजबाट प्रदेश भरिनै यात्रु सहायता कक्षको शुभारम्भ गरिएको जानकारी दिए

निःशुल्क स्वास्थ्य शिविरमा भिडियो एक्सरे, इको, इसिजि, ल्याव टेस्ट लगायतका सेवा उपलब्ध रहेका छन् ।