विराटनगर । प्रदेश १ को राजधानि विराटनगरमा ‘द फेस्टिभल फेसन रन्वे शो’ हुने भएको छ । आवर प्रोडक्सन कम्पनि र अलिमिन फेशनको सम्युक्त आयोजनामा उक्त द फेस्टिभल फेसन शोको आयोजना हुने भएको हो ।

स्वदेशमै उत्पादन भएका बिभिन्न स्वदेशी उत्पादन तथा स्वदेशी कपडाको बजार बिस्तार साथै प्रवद्र्धनका लागि यस कार्यक्रमको आयोजना हुन गैरहेको आयोजकले बताएको छ । कार्यक्रमले उत्पादनलाई स्वदेशी उपभोक्ता माझ पुर्याएर उपभोक्तालाई स्वदेशी ब्राण्ड कन्सियस बनाउनेमा आयोजक बिस्वस्त रहेको छ । कार्यक्रमले विराटनगर सौन्दर्यताको समेत राजधानी बन्न सक्ने भन्ने कुराको समेत प्रचार देशभर हुनेमा आयोजक ढुक्क रहेको बताइएको छ ।

कार्यक्रममा मिस नेपाल देखि देशका चर्चित मोडेलहरुको साथमा स्थानिय मोडेलहरुको समेत सहभागिता रहने आयोजकले जनाएको छ ।

स्थानिय मोडेलहरुको लागि राष्ट्रिय स्तरका कोरियोग्राफरहरुबाट तालिमको ब्यबस्था भएपनि तालिमको कुनै पनि शुल्क नलाग्ने समेत आयोजकले बताएको छ ।

कार्यक्रमलाई थप आकर्षक बनाउन राष्ट्रिय कलाकारहरुको साङ्गितिक प्रस्तुतिका साथमा स्थनिय कलाकारको प्रस्तुती रहने छ ।

पहिलो अडिशन असोज २३ गते बिराटनगरमा हुनेछ भने कार्यक्रम कात्तिक १३ गते हुनेछ ।