कांग्रेसभित्र अब गुटको राजनीति अन्त्य हुनुपर्छ : सचिन पोखरेल

कांग्रेसभित्र अब गुटको राजनीति अन्त्य हुनुपर्छ : सचिन पोखरेल

 राष्ट्रिय डेली

सचिन पोखरेल
सहसचिव ,नेपाली कांग्रेस विराटनगर महानगर समिति

हालै सम्पन्न अधिवेशनमार्फत अत्याधिक मतका साथ विजयी हुनुभएको छ, कस्तो महसुस भइरहेको छ ?
नेपाली कांग्रेस विराटनगर महानगर समितिमा सबैभन्दा बढी मत प्राप्त गरेर विजयी भएको छु । विजयी अन्य उम्मेदवारभन्दा बढी मत आउनु मेराका लागि सबैभन्दा बढी खुसीको क्षण हो । बढी मत ल्याएँ भनेर हौसिएको छुइँन । ममाथि थप जिम्मेवारी आइपरेको छ भन्ने मैले महसुस गरेको छु । नेपाली कांग्रेस विराटनगरका १९ वटै वडाका बुथ सभापति, क्षेत्रीय प्रतिनिधि, क्रियाशील सदस्यहरूको विश्वास र भरोसालाई टुट्न दिने छुइँन । उहाँहरूले ममाथि देखाउनु भएको विश्वासलाई शिरमा राखेर पार्टीलाई माथि उठाउन अहोरात्र खट्नेछु ।

कांग्रेसभित्र गुटको राजनीति निकै मौलाएको छ, तपाईं पनि कुनै गुटको पछि लागेर नै त सहसचिवमा अत्यधिक मत ल्याउनु भएको होला नि होइन ?
चुनावको बेला गुट र उपगुट हुनुलाई अस्वभाविक मान्नु हुँदैन । प्रजातान्त्रिक पार्टीमा प्रतिस्पर्धा हुन्छ । प्रतिस्पर्धा हुँदा समूह अर्थात् गुट हुन्छ । तर निर्वाचन सम्पन्न भएसँगै गुट र उपगुटको अन्त्य हुनुपर्छ । जहाँसम्म विराटनगर कांग्रेसमा पनि सभापतिदेखि सहसचिव र सदस्यसम्मै प्रतिस्पर्धा भयो । केही सदस्यमा सर्वसम्मत पनि भयो । मलाई आएको मतबाटै म गुटमा थिएँ कि थिइन भन्ने प्रस्ट हुन्छ । कुनै एउटा गुटमा मात्रै भएको भए त्यति धेरै मत आउने थिएन । मलाई सबै नेताहरूको साथ थियो । मैले गुटबाट होइन कांग्रेसबाट जितेको हुँ ।

सहसचिवको कार्यसमितिमा पनि खासै भूमिका हुँदैन, पदका लागि पद त होला नि होइन ?
यही त सोचाइ गलत छ त हामीकहाँ । पद भनेको केही होइन । काम गर्नेका लागि सभापति नै हुनुपर्छ भन्ने छैन । सदस्यले पनि काम गर्न चाह्यो भने राम्ररी काम गर्दछ । भूमिका अरुले हातमा ल्याएर दिने होइन आफूले खोज्ने हो । मेरो सवालमा पनि त्यही हो । म आबद्ध भएको संस्थामा राम्रो काम गरेको छु । कांग्रेस महानगरमा पनि मैले राम्रो काम गर्नेछु भन्ने आत्मविश्वास छ । व्यक्ति भनेको केही होइन पहिलो संस्था महत्वपूर्ण हो । विगतमा के भयो र के गरियो त्यसतर्फ नलागौं । अब कांग्रेस महानगर समितिका हरेक गतिविधि पारदर्शी हुन्छ । हरेक काम सामूहिक भावनाका साथ अगाडि बढाउँछौं । हामीले गर्नुपर्ने धेरै काम छन् ती क्रमशः गर्दै जानेछौं ।

के छन् त्यस्ता तपाईंहरूले गर्ने धेरै काम ?
पहिलो त अहिले राजनीतिप्रति जनतामा निराशा छाएको छ । अघिल्लो कम्युनिष्ट सरकारका कारण मुलुकमा बढेको व्यतिथि, भ्रष्टाचार, अनुशासनहीनता, बलात्कार, महँगीलगायतका कारण आमनेपाली जनतामा नेताहरूप्रति वितृष्णा जागेको छ । यसलाई हामीले चिर्नुछ । मुलुकको विकास गर्ने भनेको राजनीतिमार्फत नै हो । राजनीति भनेको नीतिको पनि नीति हो । अहिले राजनीति धमिलिएको छ । यसलाई सङ्ल्याउनु छ । नेपालमा राजनीतिलाई पेशाका रुपमा अंगिकार गरेको पाइन्छ । राजनीति भनेको पेशा होइन सेवा हो । जबसम्म राजनीतिलाई सेवाका रुपमा आत्मसात गरिँदैन तबसम्म राजनीतिभित्रको विकृति हटेर जाँदैन । निराश जनतालाई आशा जगाउनु हाम्रो पहिलो काम हो । त्यस्तै अब लगातार स्थानीय, प्रदेश र संघीय निर्वाचन आउँदैछ । यही समितिले विराटनगरका १९ वटै वटासहित महानगरमा कांग्रेसको विजय सुनिश्चित गर्नेतर्फ हाम्रो ध्यान केन्द्रित हुनेछ । सँगै प्रदेश र संघीय निर्वाचनमा विराटनगरमा पर्ने ३ वटै निर्वाचन क्षेत्रमा कांग्रेसलाई विजयी गराउन हामी लाग्नेछौं ।

कम्युनिष्ट सरकारलाई दोष थोपर्नु भयो, अहिले त कांग्रेसकै सरकार छ त, कांग्रेसले चाहिं जनताका काम गरिरहेको छ त ?
अघिल्लो सरकार झण्डै दुई तिहाईको सरकार थियो । केपी ओलीको आफ्नै अहमका कारण सत्ताबाट बाहिरिनु परो । कांग्रेसले जबरजस्ती सत्ता लिएको होइन । कम्युनिष्टहरूले चलाउन नसकेपछि मात्रै कांग्रेसले सरकारको नेतृत्व गरेको हो । कहिल्यै पनि कांग्रेसले सत्तामा जाने हतारो गरेन । किन भने कम्युनिष्टलाई पाँच वर्षसम्म सरकार सञ्चालन गर्ने जिम्मेवारी जनताले दिएका थिए निर्वाचनमार्फत । तर, जनताले दिएको मतको भार थेग्न नसकेर कम्युनिष्टहरू छिन्नभिन्न र टुटफुट भए । कम्युनिष्टभित्रको आन्तरिक विवादका कारण केपी ओलीको सरकार ढल्यो । देशलाई अनिर्णयको बन्दी हुनबाट जोगाउन बाध्यात्मक अवस्थामा कांग्रेस सरकारमा गएको हो । ओलीलाई जस्तो अहिलेको सरकारलाई सजिलो छैन । अहिलेको सरकार गठबन्धन सरकार हो । सबैको चित्त बुझाउनुपर्छ । त्यसो भएकाले काम गर्न गाह्रो छ अहिलेको सरकारलाई । अघिल्लो सरकारले बिगारेका कामलाई सपार्ने काम गरिरहेको छ यो सरकारले । सबै नेपालीलाई खोप लगाउने भनिरहेको छ । भ्रष्टाचारहरू घटेका छन् । कानुनी राज्यको महसुस भइरहेको छ । सीमित स्रोत साधनले जनताका असीमित चाहना पूरा गर्न एकैपटक गाह्रो छ । अघिल्लो सरकारले भन्दा तुलात्मक रुपमा यो सरकारले धेरै नै राम्रा काम गरिरहेको छ ।

अब चाँडै नै क्षेत्र, जिल्ला, प्रदेश र केन्द्रको अधिवेशन हुँदैछ, तपाईं कुन गुटलाई सहयोग गर्नुहुन्छ ?
कांग्रेसभित्र अब गुटको राजनीति अन्त्य हुनुपर्छ । सक्षम र क्षमतावानलाई अवसर दिनुपर्छ । अहिलेसम्म कुनै अवसर नपाएका नेता कार्यकर्ता धेरै छन् पार्टीभित्र । त्यस्ता व्यक्तिहरूलाई अवसर दिनुपर्छ । नेताको नजिक भएकै कारण सीमित व्यक्तिले पटक–पटक अवसर पाउने तर पार्टीका लागि काम गर्नेले कहिल्यै पनि अवसर नपाउने अवस्थाको अन्त्य हुनुपर्छ । भिजन भएका नेताहरू अगाडि आउनुपर्छ । त्यसो भएकाले म गुटको विश्वास गर्दिन । चुनावमा प्रतिस्पर्धा हुन्छ । प्रतिस्पर्धा भएकै आधारमा कांग्रेसमा गुट उपगुट भयो भन्न मिल्दैन । म हिजो पनि कांग्रेस थिएँ आज पनि कांग्रेस छु र भोलि पनि कांग्रेस नै रहनेछु । अधिवेशनमा म कांग्रेसलाई सहयोग गर्छु ।

 

adv-single
सम्बन्धित समाचार

वरिष्ठ समाजसेवी दिनबन्धु गोयल सम्मानित

विराटनगर / ज्येष्ठ नागरिक वडा कार्यसमिति विराटनगर–११ ले वरिष्ठ समाजसेवी एवं उद्योगी दीनबन्धु गोयल सम्मानित भएका छन् । समाजसेवामा सक्रिय गोयललाई वडा कार्यसमितिले शुक्रबार एक समारोहका बीच सम्मान गरेको हो । गोयलले ज्येष्ठ नागरिक सामुदायिक...

सेन्ट जोसेफद्वारा नयाँ विद्यार्थीहरुलाइ स्वागत

  विराटनगर । विराटनगरको गुणस्तरिय शिक्षामा अब्बल रहेको शैक्षिक सस्था सेन्ट जोसेफले भर्ना भएका नयाँ विद्यार्थीहरूलाई स्वागत गर्दै अभिमुखीकरण तालिम दिएको छ । विराटनगरस्थित आरोहण गुरुकुलमा आज एक भव्य कार्यक्रम आयोजना गरी नयाँ विद्यार्थीहरुलाइ अविर...

सामाजिक सञ्जालमा लाञ्छना लगाएको भन्दै इनरुवा अस्पतालका डाक्टरहरू आन्दोलित

इटहरी : जिल्ला अस्पताल इनरुवा सुनसरीका डाक्टरहरू आन्दोलित बनेका छन् । सामाजिक सञ्जालमार्फत चिकित्सकको चरित्र हत्या र अस्पतालको बद्नाम गर्न खोजिएको भन्दै सुनसरीका डाक्टरहरू आन्दोलित बनेका हुन् । मेडिकल सुपरिटेन्डेन (मेसु) देवराज घिमिरेसहितका डाक्टरहरूले जिल्ला प्रशासन...

प्राज्ञिक विद्यार्थी परिषद्ले हिमाली जिल्लामा शैक्षिक सामग्री वितरण गर्ने

काठमाडौं । प्राज्ञिक विद्यार्थी परिषद् नेपालले हिमाली जिल्लामा शैक्षिक सामग्री वितरण गर्ने जनाएको छ । शुक्रबार रिपोर्टर्स क्लवमा पत्रकार सम्मेलन मार्फत ११ वटा हिमाली जिल्लाहरूमा कक्षा ११ र १२ का विद्यार्थीहरूलाई शैक्षिक सामग्री वितरण गर्ने...

गीतकार चन्द्रमोहन विश्वासको ‘जनम जनम’ सार्वजनिक

विराटनगर । गीतकार चन्द्रमोहन विश्वासको ‘जनम जनम’ बोलको गीत सार्वजनिक भएको छ । थारु भाषाको उक्त गीतमा राजेन्द्र खाँ र गीता चौधरीको आवाज रहेको छ भने बिरु कुमार ऋषिदेवको संगित रहेको छ । गीतको भिडियोमा...

ग्रेडेड बोर्डिङ स्कूलमा राधाकृष्ण ड्रेस प्रतियोगिता आयोजना

विराटनगर । विराटनगरस्थित ग्रेडेड बोर्डिङ स्कूलमा राधाकृष्ण ड्रेस प्रतियोगिता आयोजना गरिएको छ । कृष्ण जन्मअष्टमीको अवसर पारेर विहिबार राधाकृष्ण ड्रेस प्रतियोगिताको आयोजना गरेको हो । प्रतियोगितामा नर्सरीदेखि एसकेजीसम्मका ४६ जनाको सहभागिता रहेको थियो । उनीहरू...

खोलामा डुबेर दुई जनाको मृत्यु

इटहरी :  उदयपुरको ताप्लि गाउँपालिका १ मा खोलामा डुबेर एक जनाको मृत्यु भएको छ । भाद्र १ गते बेलुका ताप्लि १ मादलेका ३५ वर्षीय नगेन्द्र राई यारी खोलामा जाल हाली माछा मार्न गएकोमा २ गते...

उपप्रमुख कार्कीद्वारा वडा र शिक्षा महाशाखाको अनुगमन

विराटनगर / विराटनगर महानगरपालिकाले मातहतका कार्यालयहरुको अनुगमनलाई तीव्रता दिएको छ । कार्यालयमा कर्मचारी नभेटिने, भेटिए पनि छिटोछरितो रुपमा काम नगर्ने जनगुनासो आएपछि महानगरले अनुगमनलाई तीव्रता दिएको हो । महानगरकी उपप्रमुख शिल्पा निराला कार्कीले बिहीबार वडा...

गणित शिक्षा परिषद्को प्रदेश सम्मेलन इटहरीमा हुने

इटहरी । गणित शिक्षा परिषद् नेपालको प्रदेश नम्बर १ को प्रदेश सम्मेलन यहि भाद्र ३ गते शुक्रबार इटहरीको कस्तुरी कलेजमा हुने भएको छ। गणित शिक्षा परिषद्का केन्द्रीय अध्यक्ष तथा त्रिभुवन विश्वविद्यालयका पूर्वउपकुलपति डा। हिरा बहादुर...

सुनसरीको दुई छुट्टाछुट्टै स्थानमा दुर्घटना हुँदा इटहरीका एक युवकसहित दुईको मृत्यु

इटहरी : सुनसरीको दुई छुट्टाछुट्टै स्थानमा भएको दुर्घटनामा इटहरीका एक युवकसहित दुईजनाको मृत्यु भएको छ । पूर्व क्षेत्रीय ट्राफिक प्रहरी कार्यालय इटहरीका अनुसार धरान उपमहानगरपालिका ८ विश्वकर्मा मन्दिर नजिक बोलेरो पिकअप गाडीको ठक्करबाट मोटरसाइकलमा सवार इटहरीका...

धरानमा बोल्न र राम्रोसँग हिँड्न नसक्ने बालिकामाथि घरबेटीद्वारा बलात्कार

धरान : धरानमा घरबेटीले बालिका बलात्कार गरेका छन् । फरक क्षमता भएकी बालिकालाई बलात्कार गरेको आरोपमा धरान ८ स्थितबाट ५२ वर्षीय व्यक्तिलाई प्रहरीले पक्राउ गरेको इलाका प्रहरी कार्यालय धरानले  जनाएको छ ।  प्रहरीका अनुसार करिब...

न्यायिक समितिका कार्यसम्पादनबारे अनुभव आदानप्रदान

विराटनगर / ताप्लेजुङ दुईवटा स्थानीय पालिकाका न्यायिक समिति संयोजकले विराटनगर महानगरपालिकाको न्यायिक समितिको अवलोकन गरेका छन् । बुधबार ताप्लेजुङको फुङलिङ नगरपालिकाकी उपप्रमुख भीमादेवी ओझा र आठराई–त्रिवेणी गाउँपालिकाकी उपाध्यक्ष शान्ता आङबोहाङले महानगरको न्यायिक समितिको अवलोकन गरेका...