इनरुवा । सुनसरीको भोक्राहा नरसिंह गाउँपालिका ५ का एक युवाले जिल्ला प्रहरी कार्यालयको थुनुवा कक्षभित्रै असोज २३ आत्महत्या गरेको र त्यसपछि आन्दोलनमा उत्रेकाहरुले इनरुवा ९ बबियाको विष्णु शर्माको घरमा आगजगनी र प्रहरी कार्यालयमा तोडफोड गरेको विरोधमा मंगलबार इनरुवामा केहीबेर सडक जाम र नाराबाजी गरेको छ ।

स्थानीय युवाहरु र हिन्दु समर्थक युवाले शर्माको घरमा आगजनी र प्रहरी कार्यालयमा ढुगामुडा तथा तोडफोड गरेकाले त्यसको निष्पक्ष छानविन गर्न उच्चस्तरीय समिति गठन गर्नुपर्ने, पीडित शर्मा परिवारलाई क्षतीपुर्ती दिनुपर्ने, अराजक कार्य बन्द गर्नुपर्ने, आक्रमण, आगजनी र तोडफोडमा उत्रेकाहरुलाई पहिचान गरी कानुनी कार्वाही गर्नुपर्ने, सामाजिक, सांस्कृतिक र धार्मिक सदभाव कायम गर्नुपर्ने , छोरीचेलीको सुरक्षा दिनुपर्ने माग गर्दै पूर्व पश्चिम लोकमार्ग अन्तरगत इनरुवा नगरपालिका ४ बसचौकमा मध्यान केही बेर टायर बालेर सडक अरुद्ध गरेकोमा प्रहरीको समन्वयमा खुलाइएको थियो । सडक अवरुद्ध सहित शान्तीपूर्ण अन्दोलनमा युवाहरुले सम्बोधन गर्दै सामाजिक, सांस्कृतिक र धार्मिक सदभाव कायम गर्नुपर्ने र घटनाको छानविन तथा क्षतीपुर्ती दिनुपर्ने माग गरेका थिए । भोक्राहा नरसिंह ५ का केही मुस्लिम युवाहरुले शर्माको घरमा आगजनी गरेका थिए ।

सयौंका संख्यामा रहेका भोक्राहा नरसिंह गाउँपालिका ५ का युवाहरुले आगजगनी गरेकाले नेपाल प्रहरी र सशस्त्र प्रहरीको थप तैनाथी र दुहवीको दमकलले नियन्त्रण लिएको थियो । सोही आगो नियन्त्रण गर्न गएको इनरुवा ९ का ४५ वर्षिय दयान्दन खत्वेलाई पनि अराजकता पर्दशन गर्ने आन्दोलनकारी युवाहरुले भाटोले हानेर गम्भिर घाईते बनाईदिएको थियो ।

पीडित खत्वेको इनरुवा अस्पतालमा उपचार भएको थियो । खत्वेको टाउँकोमा सात टाका लगाएको छ भने हात काटिएकोमा सिलाई गरिएको छ । यसैबीच जिल्ला प्रहरी कार्यालयको हिरासतमा थुनुवा मृत्युको विषयलाई लिएर सुनसरी प्रशासनमा सर्वपक्षीय बैठक बसेको र पीडित पक्षहरुसंग दुई चरणमा छलफल गरिएको छ । थुनुवाको मृत्यु पश्चात चर्केको माहोल साम्य पार्ने विषय केन्द्रीत रहेको थियो ।

प्रमुख जिल्ला अधिकारी इन्द्रदेव यादवको अध्यक्षतामा बसेको बैठकले घटनास्थल र पक्षहरु सहित सुरक्षा निकायका प्रमुख एवम राजनीतिक दलका प्रतिनिधिहरुको सुझाव लिएको थियो ।घटनालाई अतिरञ्जित गर्ने प्रयास भैरहेको तर्फ संकेत गर्दै सहभागिले सद्भाव कायम राख्न सर्वपक्षीय छलफलको आवश्यक्ता औल्याएका थिए । बैठकले प्रहरी हिरासत भित्र युवकको मृत्यु घटनासँगै बबियामा रहेको युवतीको घरमा भएको आगजनीको विषय उपर समेत छानविन हुनुपर्ने माग गरेको थियो । उता प्रजिअ यादवले सर्वदलीय बैठकको निष्कर्श अनुसार अघि बढ्ने बताएका थिए ।