इलाम÷ अनेरास्ववियूको २३ औं जिल्ला अधिवेशन इलाम सदरमुकाममा सुरु भएको छ ।
नेकपा एमाले निकटको विद्यार्थी संगठनको अधिवेशनलाई केन्द्रीय महासचिव समिक बडालले उद्घाटन गरे । खुल्ला सत्रमा नेकपा एमालेका केन्द्रीय सदस्य राम राना, जिल्ला समन्वय समिति इलामका प्रमुख गणेश बराल, इलाम नगरपालिकाका प्रमुख महेश बस्नेत, अनेरास्वियू केन्द्रीय कमिटी सदस्य रविन्द्र सुवेदीलगायतले शुभकामना मन्तव्य व्यक्त गरेका थिए । उनीहरुले अनेरास्वियू राजनीतिको पहिलो थलो भएकाले यस संगठनलाई प्रशिक्षणलगायत पारदर्शी बनाउनुपर्नेमा जोड दिए ।
अधिवेशनको खुल्लासत्र इलाम बजारस्थित गौतमबुद्ध सभाहलमा भइरहेको छ । अधिवेशनले शुक्रबार नयाँ जिल्ला कार्यसमिति चयन गर्ने आयोजक कमिटी अध्यक्ष मिलन खत्रीले जानकारी दिए । आयोजकसहित जिल्लाका विभिन्न विद्यालय तथा क्याम्पसबाट ३ सय ५४ जना बिद्यार्थी अधिवेशनमा सहभागी भएका छन् ।
Post Views: 2