विराटनगर । विराट नेपाल मेडिकल ट्रस्टले नेपाल क्षयरोग निवारण संस्था विराटनगरलाइ ११ लाख ५० हजार बराबर रकमको सामाग्री वितरण गरेको छ । विराट नेपाल मेडिकल ट्रस्टले एक कार्यक्रमको आयोजना गरेर उक्त सामाग्री प्रदान गरेको हो ।
क्षयरोगका बिरामीहरुको बढ्दो चापलाई मध्यनजर गर्दै व्यावस्थित रुपमा बिरामीहरुलाइ सरल र सहज तरिकाले स्वास्थ्य सेवा उपलब्ध गराउने उदेश्यले सामाग्री प्रदान गरेको ट्रस्टले बताएको छ । ट्रस्टले नेपाल क्षयरोग निवारण संस्था विराटनगरलाइ १५ थान लो- बेड , १५ थान म्याटरेस, २० थान ब्याङकेट, १०० थान ज्याकेट लगायत ११ लाख ५० हजार बराबरको सामाग्री वितरण गरेको थियो ।
कार्यक्रममा क्षयारोग निवारण सँस्था विराटनगरका सभापती शिव नारायण प्रधानले विराट नेपाल मेडिकल ट्रस्टले सामाग्री प्रदान गरेर विरामीहरुलाइ थप सहज हुने र ट्रस्टले पुन: सामाग्री सहयोग गर्नेमा ढुक्क भएको बताए । त्यसैगरि स्वास्थ्य मन्त्रालयका सचिव सागर प्रसाँई र प्रदेश १ स्वास्थ्य निर्देशनालयकी क्षयारोग आर.टि.एल.ओ तारा सुवेदिले सामाग्री प्रदान गरेर क्षयारोगका विरामीहरुलाइ सहज भएकाले ट्रस्टलाइ धन्यवाद व्याक्त गरेका थिए । ट्रस्टले ६७ औ राष्ट्रिय क्षयरोग नियन्त्रण दिवसको अवसर पारेर सामाग्री प्रदान गरेको थियो । त्यस्तै विराट नेपाल मेडिकल ट्रष्टले क्षयारोगीहरुका लागी सामान वितरण गरेका कारण सहज भएको उपचाररत दुर्गा सुवेदिले बताइन ।
विराट नेपाल मेडिकल ट्रष्ट सन् १९६७ देखि नेपाली जनताको सेवा गर्ने गैर सरकारी संस्थाका रुपमा रहंदै आएको छ । स्थापनाकाल देखि नै विराट नेपाल मेडिकल ट्रष्टले क्षयरोग, यौन तथा प्रजनन स्वास्थ्य र स्वास्थ्य अधिकारका बिषयमा नेपाल सरकारलाइ सहयोग गर्दै आइरहेको छ। सामुदायिक स्वास्थ्य आवश्यकताहरू पूरा गर्न स्थानीय संस्थाहरूको क्षमतालाई सुदृढ पार्दै पिछडिएका समूहहरूलाई आवश्यक स्वास्थ्य सेवाहरूको पहुँचमा पुर्याउन ट्रष्टले महत्वपुर्ण भुमिका निभाउँदै आइरहेको छ ।
Post Views: 4