अपरिपक्व प्रेमले निम्त्याइरहेको अपराध

अपरिपक्व प्रेमले निम्त्याइरहेको अपराध

 राष्ट्रिय डेली

पवन खड्का

विराटनगर । सम्बन्धको कुनै निश्चित परिभाषा र सीमा हुँदैन । परिभाषा दिएर दायरा तोके यसको व्यापकता साँघुरिन पुग्छ । सम्बन्धका अनेक रूपहरू छन् र यसको आयाम बृहत् छ । जस्तो कि परिवारका सदस्यहरूबीचको सम्बन्ध, त्यसबाहिरको सम्बन्ध । यिनलाई पनि विभाजन गर्दै जाने हो भने सम्बन्धले थुप्रै नामहरू पाउँदै जान्छ । तिनैमध्ये सर्वोच्च मानिने एक सम्बन्धको नाम हो, प्रेम ।

हरेक सम्बन्धहरू आफैंमा उच्च छन् र तिनका निश्चित स्वार्थ छन् । निःस्वार्थ त कुनै पनि सम्बन्ध हुँदैनन् । त्यो केवल मुखले बोलिने मात्र हो । यो यसकारण कि सम्बन्धमा स्वाभाविक रूपले कुनै न कुनै अपेक्षा रहन पुग्छ । र, यसरी सम्बन्धमा रहने अपेक्षा नै स्वार्थ हो । तर, स्वार्थ भन्दैमा त्यो नकारात्मक नै हुन्छ भन्ने हुँदैन । स्वार्थ सकारात्मक पनि हुन्छ । प्रेम सकारात्मक स्वार्थ राखेर गरिन्छ । यदि त्यसो छैन भने त्यसलाई कदाचित् प्रेम मान्न सकिँदैन । प्रेमका पनि अनेक रूप छन् । यहाँ कुरा विपरीत लिंगीबीचको प्रेमको गरिएको हो । दुई विपरीत लिंगीबीच हुने प्रेम पनि एकपक्षीय वा द्विपक्षीय दुवै हुन सक्छ र यहाँ कुरा द्विपक्षीय प्रेमको गरिएको हो ।

प्रेम सम्बन्धहरूका सुरूआत सुखद् हुन्छन् । र, सुखद् सुरूआतका सम्बन्ध सुखद् रूपमै अन्त्य भइदिऊन् भन्ने अपेक्षा स्वाभाविक रूपमा रहने नै भयो । तर, सम्बन्धमा रहेकामध्ये कुनै एक पक्षले आफूसँग सम्बन्धमा रहेकालाई धोकाधडी गरे वा गर्न लागेको संकेत दिए दोस्रो पक्ष दुःखी हुन सक्छ, उसमा अर्को पक्षमाथि घृणाभाव जाग्न सक्छ, आपराधिक सोच जन्मिन सक्छ । सबै व्यक्तिमा यो लागू नहुन सक्छ । तर, जसमा हुन्छ, त्यसो हुनुको मुख्य कारण सुखद् सम्बन्धको दुःखद् अन्त्य वा अन्त्यको संकेत नै हो । पछिल्लो समय यसैको पर्याय बनिरहेको छ, अपरिपक्व प्रेम । र, यही अपरिपक्व प्रेमका कारण कसैले अकालमा कसैको ज्यान लिइरहेको छ त कसैले देहत्याग गरिरहेको छ । मोरङको विराटनगरमा हालसालै भएको एक स्टाफ नर्सको हत्या र स्टाफ नर्सको हत्यापछि हत्यामा संलग्न उनका प्रेमीले गरेको आत्महत्या यसको ज्वलन्त उदाहरण हो ।

यसलाई बुझ्न यी दुईबीचको प्रेम सम्बन्ध र त्यसपछि निम्तिएको अपराध केलाऔं ।

सिरहाको फुल्काहकट्टी नगरपालिका घर भई विराटनगर महानगरपालिका-४, बुढाथोकी मार्गमा डेरा बसेर नोबेल मेडिकल कलेजमा कार्यरत स्टाफ नर्स २३ वर्षीया चन्द्रिकाकुमारी दास सिरहाकै २२ वर्षीय शिवशंकर दाससँग केही वर्षदेखि प्रेममा थिइन् । शिवशंकरसँगको प्रेमकै बीच चन्द्रिका अमिन धानुक नामका अर्का युवकसँग पनि प्रेममा रहिन् । वैदेशिक रोजगारीका लागि मलेसियामा रहेका शिवशंकरले चन्द्रिकाको दोहोरो सम्बन्धबारे थाहा पाए ।

मलेसियाबाट गत २६ फागुनमा शिवशंकर स्वदेश फर्किए । केही दिन काठमाडौं बसेर उनी सिरहास्थित आफ्नो घर नगई २९ फागुनमा सोझै विराटनगर आए । केही दिन चन्द्रिकाकै डेरा कोठामा बसे । सँगै रहँदा उनीहरू दुईबीच सम्बन्धको विषयलाई लिएर विवाद पनि भएको थियो ।

चन्द्रिकाले आफूलाई धोका दिएको भन्ने आवेगसहित मलेसियाबाटै हत्याको योजना बनाएर आएका शिवशंकरले चैत १ गते दिउँसो धारिलो हतियार प्रहार गरी चन्द्रिकाको बीभत्स हत्या गरे । हत्यामा प्रयोग भएको हतियार पनि शिवशंकरले मलेसियाबाटै किनेर ल्याएका थिए ।

हत्यापछि शिवशंकरले त्यसको फोटो खिचे । त्यसपछि आफ्नो सुटकेश लिएर कोठाबाट निस्किएका शिवशंकरले चन्द्रिका भारतको जोगबनी गएको भन्दै कोठाको चाबी छेउको अर्को कोठामा बस्ने चन्द्रिकाकी साथीलाई दिए । उनले चन्द्रिकाकी ती साथीको फोन नम्बर पनि लिए । तर, चन्द्रिका राति अबेरसम्म पनि फर्किइनन् ।

चन्द्रिकाको हत्या भएको कुरा तब खुल्यो, जब चैत २ गते दिउँसो चन्द्रिका बसेको घरको कोठा नजिकै अर्को कोठामा बस्ने उनकी साथीलाई नयाँ नम्बरबाट ह्वाट्सएपमा चन्द्रिकाको हत्या गरिदिएको भन्दै उनको रक्ताम्य शवको तस्बिर आयो । चन्द्रिकाको शव कोठाभित्रको शौचालयमा फेला परेको थियो । त्यसपछि चन्द्रिकाको हत्याबारे उनकी साथीले घरबेटीलाई र घरबेटीले प्रहरीलाई खबर गरे । घटनास्थल पुगेर प्रहरीले चन्द्रिकाको परिवारका सदस्यसहितको रोहवरमा कानुनी प्रक्रिया पूरा गरी चन्द्रिकाको शव पोष्टमर्टमका लागि कोशी अस्पताल ल्यायो ।

प्रहरी अनुसन्धानका क्रममा चन्द्रिकाकी साथीलाई ह्वाट्सएपमा म्यासेज आएको नम्बरमा अमिन धानुक नाम देखियो जो चन्द्रिकाको पछिल्ला प्रेमी हुन् । त्यसपछि उनले नै हत्या गरेको हुन सक्ने अनुमानका साथ अनुसन्धान उनीतिर केन्द्रित भयो । तर, बीचमा रहस्य खुल्यो, उक्त नम्बरको सिम अमिन धानुकको नभई शिवशंकर दासको नाममा दर्ता रहेको पाइयो । घटनालाई ‘डाइभर्ट’ गर्न शिवशंकरले धानुकले चन्द्रिकाको हत्या गरेको देखाउन त्यस्तो गरेको पाइयो ।

शिवशंकर चन्द्रिकाको हत्यापछि फरार थिए र प्रहरीले उनको खोजी गरिरहेको थियो । बीचमा प्रहरीले सूचना पायो, उनी विराटनगरमै छन् । त्यसपछि जिल्ला प्रहरी कार्यालय, मोरङले एकसाथ ठूलो संख्यामा प्रहरी परिचालन गरेर उनको खोजीका लागि विराटनगरका होटेलहरूमा ‘सर्च अपरेशन’ चलायो ।

तर अफसोस ! चन्द्रिकाको हत्या भएको चौथो दिन शिवशंकर पनि आत्महत्या गरेको अवस्थामा भेटिए । नोबेल मेडिकल कलेज अगाडि रहेको होटेल फाइनको कोठा नं. १०२ मा आइतबार राति झुन्डिएको अवस्थामा उनको शव भेटियो ।

सायदै कसैले सोचेको थियो, चन्द्रिका र शिवशंकरको प्रेम सम्बन्ध उनीहरू आफैंको इहलीला समाप्तिको कारक बन्छ । बरू कुनै समय उनीहरूले आफूहरूको सम्बन्धमा एक सुन्दर भविष्य देखेका थिए होलान् । तर, सुरक्षा निकायको अनुसन्धानले नै पुष्टि गर्‍याे, चन्द्रिकाको दोहोरो प्रेम सम्बन्ध र त्यसपछि सम्बन्धमा आएको दरारले नै यस कहालीलाग्दो घटना घटायो ।

जोडिने सबै सम्बन्ध साकार हुँदैनन् । सम्बन्धमा असफलताका विभिन्न कारण हुन सक्छन् । सम्बन्ध तोड्नु परेको अवस्थामा सम्बन्धमा जोडिएकालाई पुग्न सक्ने आघातका बारेमा पनि उत्तिकै सजग हुन जरूरी छ । सम्बन्धमा जोडिएकालाई त्यसबारे विनम्रतापूर्वक जानकारी गराएर पनि सम्बन्धका कारण हुन सक्ने दुर्घटनाबाट बच्न सकिन्छ ।

कतिपय अवस्थामा आइपर्ने कठिन वा बाध्यात्मक परिस्थितिले पनि कसैले कसैसँगका सम्बन्ध बीचैमा तोड्नुपर्ने वा तोडेका हुन सक्छन् । तर, सम्बन्धमा जोडिइसकेपछि कुनै एक पक्षले आफूसँग सम्बन्धमा रहेकालाई कुनै जानकारी नगराई वा आफ्नो परिस्थिति वा छनोटबारे केही नबताई तथा जानकारी गराए पनि दोस्रो पक्षलाई आघात पुग्ने गरी गराए र सम्बन्धका कारणले पुगेको आघातमा सहनाभूति प्रकटसम्म नगरे दोस्रो पक्षलाई भावनामा गहिरो चोट पर्न सक्छ ।

थाहै छ, भावनात्मक चोट देखिँदैन । तर, यसको असर भने गम्भीर हुन्छ । परिणामतः यसले गम्भीर अपराधको रूपसमेत लिन सक्छ भन्ने कुरा त हालैका केही घटनाहरूले पनि पुष्टि गरेकै छन् । अपरिपक्व प्रेम जीवन बर्बादीको कारण पनि बन्न सक्नेबारे सबै सचेत रहन जरूरी छ । (यो एक नितान्त व्यक्तिगत विचार हो ।)

सम्बन्धित समाचार

नेप्सेमा दोहोरो अंकको गिरावट

काठमाडौं। आइतबार पनि शेयर बजार परिसूचक नेप्से घटेको छ । आइतबार सेयर बजार परिसूचक नेप्से १७ दशमलव ०४ अंकले घटेको छ । नेपाल स्टक एक्सचेञ्जका अनुसार आइतबार नेप्से सूचक ०.८० प्रतिशतले घट्दै २ हजार ९५.२५...

भेरी नदीमा बेपत्ता दुई किशोरको शव फेला

  विराटनगर । पौडी खेल्ने क्रममा भेरी नदीमा बेपत्ता भएका दुई किशोरको शव फेला परेको छ । आइतबार वीरेन्द्रनगर नगरपालिका–२ चोक्टेस्थित भेरी नदीमा उनीहरूको शव फेला परेको हो । शनिबार दिउँसो पौडी खेल्ने क्रममा कालिकोट...

सरस्वती प्रतीक्षाको उपन्यास 'स्व' को विमोचन

काठमाडौ । साहित्यकार सरस्वती प्रतीक्षाको "स्व" उपन्यास विमोचन भएको छ । काठमाडौमा आयोजित कार्यक्रममा पत्रकार घनश्याम खड्का, लेखक सगुना शाह र सरस्वाती प्रतीक्षाले लोकार्पण गरेको थिए । सात बर्ष अघि प्रकाशित भएको उपन्यास नथिया प्रति...

आज सुनको मूल्य बढ्यो

  काठमाडौं । स्थानीय बजारमा आज आईतबार सुनको मूल्य बढेको छ । आईतबार सुनको मूल्य तोलामा १६ सय रुपैयाँले बढेको हो । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख ४२...

सरकारले विकासका काममा आवश्यक ध्यान दिन सकेन :अध्यक्ष ओली

  काठमाडौं । नेकपा एमालेका अध्यक्ष केपी शर्मा ओलीले सरकारले विकासका काममा आवश्यक ध्यान दिन नसकेको बताएका छन् । शनिबार संसद भवनस्थित ल्होत्से हलमा बसेको संसदीय दलको बैठकमा बोल्दै उनले यस्तो बताएका हुन्। उनले एमाले...

संखुवासभामा बाढीपहिरोले तीन घर बगायो, एक सय १० परिवार बिस्थापित

संखुवासभा : संखुवासभाको खाँदबारी नगरपालिकाका विभिन्न स्थानमा गएको बाढीपहिरोले तीन घर बगाएको छ । बाढीका कारण २५ भन्दा बढी परिवार विस्थापित भएका छन् । पहिरोले खाँदबारी ११ आङ्ला गाउँमा तीन घर बगाएको प्रहरीले जनाएको छ ।...

बजेटमार्फत अर्थमन्त्रीको सुधारः अवैध व्यापार रोक्न बिजकमा एसएस कोड अनिवार्य

काठमाडौं  । अर्थमन्त्री वर्षमान पुनले भन्सार छली गरी अवैध मार्गबाट भित्रिने वस्तुको व्यापार नियन्त्रण गर्न आगामी आर्थिक वर्षको बजेटमा नयाँ व्यवस्था ल्याएका छन् । पुनले मूल्य अभिवृद्धिकर नियमावलीमा संशोधनमार्फत भ्याट बिल जारी गर्दा ‘हार्मोनाइज्ड’ (एसएस)...

कार्यकारी प्रमुख विदेश भ्रमणमा गएको खबर सांसदले पत्रिका पढेर थाहा पाउनु पर्छः सांसद लेखक

विराटनगर । देशका राष्ट्रप्रमुखहरु विदेश भ्रमणमा जादाँ सदनमा जानकारी गराउनु पर्ने व्यवस्था रहेको छ । तर प्रधानमन्त्री तथा राष्ट्रपति बिदेश भ्रमणमा गएको खबर पत्रिका पढेर थाहा पाएको र सदनमा जानकारी नगराएले प्रतिनिधि सभा सांसद तथा...

ताप्लेजुङमा पहिराेमा परी एकै परिवारका ४ जनाकाे मृत्यु

फुङ्लिङ : ताप्लेजुङको फक्ताङलुङ गाउँपालिका २ खेजिनिममा गए राति पहिरोमा पुरिएर एकै परिवारका चारजनाको मृत्यु भएको छ । घटनामा दुईजना घाइते भएका छन् । फक्ताङलुङ गाउँपालिका–२ का वडाध्यक्ष भूपेन्द्र चौलागाईँका अनुसार पहिरोमा पुरिएर फक्ताङलुङ गाउँपालिका–२...

सिक्टा सिँचाइ आयोजनामा ९२ प्रतिशत भौतिक प्रगति

काठमाडौं ।   निर्माणाधीन राष्ट्रिय गौरवको आयोजना सिक्टा सिँचाइले चालु आर्थिक वर्षमा ९२ प्रतिशत भौतिक प्रगति गरेको छ । “चालु आवमा सिक्टा सिँचाइ आयोजनालाई पुँजीगततर्फ ८३ करोड ९८ लाख विनियोजन भएको थियो । जेठ मसान्तसम्म ७६...

शेयर बजार परिसूचक नेप्सेमा ९ दशमलव ३२ अंककाे गिरावट

काठमाडौं । बिहिबार शेयर बजार परिसूचक नेप्से आज ९ दशमलव ३२ अंकले घटेर २ हजार १ सय १२ दशमलव २९ विन्दुमा पुगेको हो ।आज विकास बैंक र फाइनान्स बाहेक सबै समूहको शेयर घटेकोमा बीमा, उत्पादन,...

वित्तीय संस्थाहरुविरुद्ध असार १६ गतेदेखि देशव्यापी आन्दोलनको घोषणा

  काठमाडौं । लघुवित्त तथा वित्तिय शोषण विरुद्धको संघर्ष समिति नेपालले असार १६ गतेदेखि वित्तीय संस्थाहरु विरुद्ध देशव्यापी आन्दोलनको घोषणा गरेको छ । आज काठमाडौंमा समितिले पत्रकार सम्मेलन गर्दैै यस्तो आन्दोलनका कार्यक्रमको घोषणा गरेको हो...