विराटनगर । टीभीएस मोटर नेपालको एक मात्र आधिकारिक विक्रेता जगदम्बा मोटर्सले टीभीएस अपाचेको नयाँ मोडल आरटीआर १६०-टू भी रिफ्रेस आज विराटनगरमा सार्वजनिक गरेको छ ।
यसअघि टीभीएसले नेपाली बजारमा टीभीएस रोनिन, अपाचे,एन्टर्क, रेडर, आईक्युबजस्ता उत्कृष्ट बाइक तथा स्कुटरहरू नेपाली बजारमा ल्याइसकेकाे छ । टीभीएस बाइक र स्कुटरमा एड्भान्स फिचरहरू राख्दै प्रयोगकर्ताहरूमाझ निकै ठूलो प्रभाव पार्न सफल बनेको छ ।
टीभीएस अपाचेको नयाँ मोडल आरटीआर १६०-टू भी रिफ्रेसमा कम्पनीले विभिन्न फिचरहरू थप गरी नेपाली बजारमा सार्वजनिक गरेको हो । टीभीएस अपाचेको नयाँ मोडल आरटीआर १६०-टू भी रिफ्रेसमा १६० सीसी आरटीआर इन्जिन रहेको कम्पनीले जनाएको छ । जसले सेग्मेन्टकै उच्चतम १४ दशमलव ४ पीएस पावर र १३ एनएस टर्क जेनेरेट गर्छ । टीभीएस स्मार्ट कनेक्ट जसको सहायताले राइडरहरूले सजिलै कल तथा टेक्स नोटिफिकेशन, क्र्यास अलर्टजस्ता सुविधा प्रदान गर्नुका साथै रेस इन्स्पायर्ड डिजिटल डिस्प्ले, आकर्षक एलईडी हेडल्याप र सिग्नेचर एलईडी टेल ल्याम्स सुसज्जित रहेको कम्पनीले जनाएको छ । टीभीएस अपाचेको नयाँ मोडल आरटीआर १६०-टू भी रिफ्रेसको बजार मूल्य ३ लाख ५ हजार ९ सय रूपैयाँ रहेको छ ।
जगदम्बा मोटर्स प्रालि नेपालमा टीभीएसका दुई पांग्रे सवारी साधनको एक मात्र आधिकारकि वितरक हो । यसका देशभर १ सय ४० भन्दा बढी डिलर छन् । गुणस्तरीय उत्पादन, नवीन प्रविधिकाे प्रयोग, बिक्रीपश्चातको उत्कृष्ट सेवा र देशभर जगेडा पार्टपुर्जाहरूको उपलब्धताका कारण नै टीभीएस आज नेपालको सर्वाधिक रूचाइएको टू-ह्विलर ब्राण्डका रूपमा रहेकाे केशरीचन्द भवलाल विराटनगरका म्यानेजर गोविन्द पोखरेलले बताए ।
Post Views: 5