यसकारण छ खास बेलका-४ को विकास [अन्तर्वार्ता]

यसकारण छ खास बेलका-४ को विकास [अन्तर्वार्ता]

 राष्ट्रिय डेली

नेपाल संघीयता अभ्यासको दोस्रो चरणमा छ । विगतमा सामान्य प्रशासनिक कामकाजका लागि पनि जिल्ला सदरमुकाम वा राजधानी काठमाडौं पुग्नुपर्ने बाध्यात्मक कठिनाइ झेलेका नागरिकले देशमा अधिकार सम्पन्न स्थानीय सरकार स्थापनापछि घरपायक वडा वा पालिकाको कार्यालयबाट सेवा लिन पाएका छन् । सिंहदरबार अब गाउँगाउँमा छ । विकासका धेरैजसो कामहरू वडा र पालिकाबाटै भइरहेका छन् । तर, नागरिकका आशा र अपेक्षा असीमित छन् र तीमध्ये कति पूरा हुन्छन् त कति हुँदैनन् । स्वभावैले मानिस असन्तोषी प्राणी हो र विकासको श्रेय पनि यही असन्तोषलाई नै जान्छ ।

संघीयतापछि देशमा दुई पटक स्थानीय तहको निर्वाचन भइसकेको छ । २०७९ वैशाखमा सम्पन्न स्थानीय तहको दोस्रो निर्वाचनबाट निर्वाचित जनप्रतिनिधिको कार्यकाल पनि दुई वर्ष बितिसकेको छ । यस अवधिमा विकासका थुप्रै कामहरू भएका छन् । आफ्नो क्षेत्रका जनप्रतिनिधिहरूले के कसरी काम गरिरहेका छन् ? चुनावी प्रतिबद्धताअनुसार आफ्ना आशा र अपेक्षा कत्तिको पूरा गर्दैछन् ? नागरिकको चासोको विषय हो । यिनै विषयमा केन्द्रित रहेर राष्ट्रिय डेलीले उदयपुरको बेलका नगरपालिका वडा नं. ४ का वडाध्यक्ष तीर्थराज अधिकारीसँग कुराकानी गरेको छ । प्रस्तुत छ सोही कुराकानीको सम्पादित अंश :

वडाध्यक्षको रूपमा अहिलेसम्मको तपाईंको अनुभव कस्तो छ ?
नेपाल अझै पनि संघीयता अभ्यासकै चरणमै छ । यस हिसाबले भन्दा हामी निर्वाचित भएर आएको पहिलो वर्ष सिकाइको वर्षका रूपमा रह्यो । पहिलो वर्ष सिकेको अनुभवले दोस्रो वर्ष पहिलो वर्षभन्दा केही बढी योजनाहरूका काम गरिरहेका छौं । वडाका लागि विनियोजित बजेट सीमित छ । स्रोतसाधनको अपर्याप्ताका बीच पनि हामी त्यसको अधिकतम प्रयोग गरेर काम गरिरहेका छौं ।

चुनावताका तपाईंको घोषणापत्रमा के कस्ता प्रतिबद्धताहरू गरिएका थिए र प्रतिबद्धताअनुसार के कति कामहरू भएका छन् ?
मेरो चुनावी घोषणापत्रमा मैले वडाको भौगोलिक, आर्थिक, सामाजिक, सांस्कृतिक आदिका आधारमा आवश्यक र सम्भाव्य विकासका कार्यहरू गर्ने प्रतिबद्धता जाहेर गरेको थिएँ । यसअन्तर्गत सडक विस्तार र स्तरोन्नति, खानेपानीको समस्या समाधान, सिँचाइ आदिलाई प्राथमिकतासाथ समेटेको थिएँ । जनताले वडाध्यक्षमा निर्वाचित गरेर कार्यकाल सम्हालेयता यी क्षेत्रको विकासमा हामी सक्रियतापूर्वक लागिपरेका छौं । केही योजनाहरू सम्पन्न भइसकेका छन् भने केही सम्पन्न हुने चरणमा, केही निर्माणाधीन र केही निर्माण थालनीको प्रक्रियामा छन् । समग्रमा चुनावी घोषणापत्रअनुसार प्रतिबद्धताहरू केही पूरा भए र बाँकी क्रमशः पूरा गर्दै जानेछौं । साथै विकासका दृष्टिकोणले बेलका नगरपालिका वडा नं. ४ नगरपालिकाका ९ वटा वडामध्ये सबैभन्दा बढी विकास भएको वडा हो ।

विकास निर्माणअन्तर्गत कुन-कुन क्षेत्रलाई प्राथमिकतामा राखेर काम गरिरहनुभएको छ ?
हामी निर्वाचित भएर कार्यकाल सम्हालेको दुई वर्षको अवधिमा विकासका कामहरू आवश्यकताअनुसार प्राथमिकीकरण गरेर अगाडि बढाइएका छन् । विगतमा बेलका नगरपालिका वडा नं. ४ का केही भूभागमा खानेपानीको चरम समस्या थियो । कार्यकालको पहिलो वर्ष हामीले खानेपानीको समस्या समाधानलाई उच्च प्राथमिकतामा राखेर काम गर्‍यौं र अहिले खानेपानीको समस्या धेरै हदसम्म समाधान भएको छ । दोस्रो वर्ष हामीले सिँचाइको कामलाई मुख्य प्राथमिकतामा राखेर योजनाहरू अगाडि बढायौं र यसबीच केही सिँचाइ आयोजनाहरू बनिसकेका छन् भने केही बन्दैछन् । आगामी वर्ष हामी सडक विस्तार र स्तरोन्नतिको योजनामा छौं । हरेक वर्ष एउटा योजना सक्ने लक्ष्यसहित हाम्रो टिम लागेको छ ।

तपाईंको भनाइमा जनताको आशा र अपेक्षाअनुरूप काम भयो भन्ने हो ?
जनप्रतिधिप्रति स्वाभाविक रूपमा जनताका आशा र अपेक्षाहरू धेरै हुन्छन् । कतिपय ठूला योजनाहरू बनाउन वडाको क्षमताले नसक्ने अवस्था पनि हुन्छ । वडाको बजेटले धानेसम्म हामीले जनताका धेरैजसो आशा र अपेक्षा सम्बोधन गरेका छौं । र, ठूल्ठूला योजनाहरू नगरपालिका, प्रदेश र संघीय सरकारसमक्ष पुर्‍याएर आवश्यक बजेट माग गरी निर्माण गरेका छौं ।

नागरिकको आर्थिक समृद्धिका लागि वडाले के कस्ता कार्यहरू गरिरहेको छ ?
बेलका नगरपालिका वडा नं. ४ का केही भूभाग पहाडी क्षेत्रमा पर्छ । भौगोलिक विकटता र बजेट अभावका कारण विकासका कतिपय कामहरू गर्न चुनौतीपूर्ण छ । पहाडी क्षेत्रमा बेसार, बाँस र अम्रिसो, तराई क्षेत्रमा धान, गहुँ, तोरी, टप्पु क्षेत्रमा तरकारी खेतीमार्फत नागरिकलाई आत्मनिर्भर बनाउने अभियानमा हामी लागिपरेका छौं ।

वडाको आन्तरिक आम्दानीको अवस्था कस्तो छ ?
सीमित स्रोतसाधन, नागरिकहरूमा नीतिगत जानकारीको अभाव आदिका कारण हामी राजस्व संकलनको लक्ष्यमा पुग्न सकिरहेका छैनौं । यिनै कारणले कतिपय योजनाका काम घाटा बजेटमा पनि गर्नुपर्ने अवस्था छ । यस वर्ष हामीले वडाको क्षमताले नभ्याउने केही योजनाहरू संघीय र प्रदेश सरकारसँग माग पनि गरेका छौं ।

शैक्षिक क्षेत्र सुधारका लागि यहाँहरूको प्रयास के छ ?
हामी जनप्रतिनिधिको रूपमा निर्वाचित भएर आउँदै गर्दा बेलका नगरपालिका वडा नं. ४ मा रहेका दुईवटा सामुदायिक विद्यालयको अवस्था दयनीय थियो । हामी जिम्मेवारीमा रहेयता शैक्षिक गुणस्तर सुधारमा विशेष ध्यान दिएका छौं । अहिले दुवै विद्यालयको अवस्था राम्रो छ । विद्यार्थी संख्या बढेको छ भने पालिकाबाहिरबाट पनि केही विद्यार्थीहरू यहाँ आएर अध्ययन गरिरहेका छन् । शिक्षाको गुणस्तर पनि सुधार भएको नतिजाहरूले देखाएका छन् ।

वडामा केही युवाहरू लागुऔषध दुर्व्यसनमा पनि फसेको देखिन्छ, यसलाई न्यूनीकरण गर्न के कस्ता कदमहरू चाल्नुभएको छ ?
युवाहरू लागुऔषध दुर्व्यसनमा फस्नुको मुख्य कारण बेरोजगारी समस्या रहेको देखिन्छ । लागुऔषध दुर्व्यसन न्यूनीकरण गर्न हामीले नेपाल प्रहरीसँगको समन्वयमा समुदायस्तरमा जनचेतनामूलक कार्यक्रमहरू गरेका छौं । वार्षिक दुई पटक यस्तो कार्यक्रम गर्ने गरेका छौं । वडामा नवजीवन सुधार केन्द्र छ । लागुऔषध दुर्व्यसनमा फसेका युवाहरूलाई त्यहाँ राखेर पनि यसबाट छुटकारा दिलाउने कोसिस गरेका छौं । केही युवाहरू सुधार केन्द्रबाट पुनर्जीवन पाएर अहिले व्यावसायिक काममा लाग्नुभएको छ । युवाहरूको बेरोजगारी समस्या समाधानका लागि हामीले सक्दो प्रयास गरेका छौं । व्यवसाय गर्न चाहने युवाहरूलाई वडाले सहयोग र सहजीकरण पनि गर्दै आएको छ ।

आगामी योजना के छ ?
बेलका नगरपालिका वडा नं. ४ का दूरदराजका केही भूभागमा विद्युतको समस्या छ । ती स्थानहरूमा पनि विद्युत विस्तार गरेर हामी यस वर्ष वडालाई पूर्ण विद्युतीकरण गर्ने योजनामा छौं । त्यसैगरी वडाका केही कच्ची सडकहरूलाई पक्की गर्ने हाम्रो आगामी योजना हो ।

वडावासीलाई यहाँको सन्देश के छ ?
चुनावमा कुनै दलबाट उम्मेदवार रहे पनि निर्वाचित भएपछि जनप्रतिनिधि भनेका सबैका साझा हुन् । हामी निर्वाचित भएको दलको नभई नागरिकको मतले हो । हामी सबै नागरिकलाई समान व्यवहार गर्छौं । विकास साझा एजेण्डा हो । यसमा सबैको साथ र सहयोग चाहिन्छ । वडाको विकासका लागि सबै नागरिक र राजनीतिक दलहरू एकजुट भएर लाग्नुपर्छ र लाग्नुहुनेछ भन्ने मेरो अपेक्षा छ ।

 

 

 

adv-single
सम्बन्धित समाचार

आदिकविको २११औँ जन्मजयन्ती मनाइयो

  काठमाडौं । नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका विभिन्न स्थानमा विविध कार्यक्रमको आयोजना गरी मनाइएको छ । नेपालमा पनि विभिन्न कार्यक्रमको आयोजना गरी आदिकवि आचार्यको जन्मजयन्ती मनाइँदैछ ।...

नयाँ प्रधानमन्त्रीमा एमाले अध्यक्ष ओलीको दाबी पेश

  काठमाडौं । प्रतिनिधिसभाका दुई ठूला दल नेपाली कांग्रेस र नेपाल कम्युनिष्ट पार्टी एमालेले नयाँ प्रधानमन्त्रीमा दाबी पेस गरेका छन् । राष्ट्रपति रामचन्द्र पौडेलले नेपालको संविधानको धारा ७६ को उपधारा २ बमोजिम प्रधानमन्त्री पदका लागि...

मोरङमा प्रहरीहरु कै संलग्नतामा हुन्छ तस्करी, कुन तस्करले कति रकम बुझाउँछन ?

निरज झा विराटनगर । तस्करी नियन्त्रण गर्न भूमिका खेल्नुपर्ने प्रहरीहरु नै तस्करीमा लागेपछि कसको के लाग्छ र? उल्टै उनीहरूकै नेतृत्वमा मोरङमा तस्करी मौलाएको छ । जानकारका अनुसार उनीहरूले तस्करसँग मासिक एक लाख सम्म रकम लिएर...

प्रधानमन्त्री दाहाल पदमुक्त

  विराटनगर । प्रधानमन्त्री पुष्पकमल दाहालले संसदबाट विश्वासको मत नपाएसँगै पदमुक्त भएका छन्। शुक्रबार प्रतिनिधिसभामा विश्वासको मतराखेकामा प्रश्ताव अस्वीकृत भएकाले उनी पदबाट मुक्त भएका हुन्। तत्काल रहेको २५८ मत रहेकोले उनले ६३ मात्रै मत पाएको...

२४ घण्टामा नेपालमा पहिरोका कारण १५ जनाको मृत्यु

विराटनगर। विगत २४ घण्टामा नेपालमा पहिरोका कारण १५ जनाको मृत्यु भएको छ । शुक्रबार सिंहदरबारमा बसेको विपद् सम्बन्धी नेपाली सेना, नेपाल प्रहरी, सशस्त्र प्रहरी बल, सडक विभाग, यातायात व्यवसायी लगायतका सम्बन्धित निकायहरुसँग छलफल भएको हो...

 बाढीपहिरोबाट एक सय एकको मृत्यु

  विराटनगर । देशमा मनसुन भित्रिएसँगै परेको अविरल वर्षाका कारण आएको बाढीपहिरा लगायत विपद्मा परी हालसम्म एक सय एक जनाले ज्यान गुमाएका छन् । गत जेठ २८ गते बिहान ९ बजेदेखि असार २८ गते बिहान...

नापी कार्यालय लगनखेलका कार्यरत सर्वेक्षक सहित दुई जना पक्राउ

  काठमाडौं। अख्तियार दुरुपयोग अनुसन्धान आयोगले ललितपुरस्थित नापी कार्यालय लगनखेलमा कार्यरत सर्वेक्षक सञ्जीव कुमार यादवसहित दुई जनालाई घुससहित पक्राउ गरेको छ । यादवसहित आरबी लेखापढी सेन्टरका सञ्चालक राम बाबु भुजेललाई अख्तियारको टोलीले बिहीबार पक्राउ गरेको...

रास्वपाले प्रधानमन्त्री दाहाललाई विश्वासको मत दिने

  काठमाडौं । राष्ट्रिय स्वतन्त्र पार्टीले प्रधानमन्त्री पुष्पकमल दाहाललाई विश्वासको मत दिने निर्णय गरेको छ । शुक्रबार बिहान सिंहदरबारमा बसेको पार्टीको संसदीय दलको बैठकले प्रधानमन्त्री दाहालको पक्षमा मतदान गर्ने निर्णय गरेको हो । बैठकपछि निर्णय...

काँग्रेस एमाले सहकार्य कसैले मिलाइदिएको हो : प्रधानमन्त्री

काठमाडौं । प्रधानमन्त्री पुष्पकमल दाहालले नेपाली काँग्रेस र नेकपा एमालेको सहकार्य आफै नबनेको बताएका छन् । प्रतिनिधि सभामा शुक्रवार विश्वासको मत माग्दै उनले यस्तो बताएका हुन् । उनले प्रधानमन्त्रीका रूपमा आफूले लोकतन्त्रको सर्भिसिङ् शुरु गरेको...

रास्वपा केन्द्रीय समितिबाट मुकुल ढकाल निष्कासित

काठमाडौं । राष्ट्रिय स्वतन्त्र पार्टी रास्वपाले मुकुल ढकाललाई पार्टीका सबै जिम्मेवारीबाट हटाउने निर्णय गरेको छ । रास्वपाको केन्द्रीय समितिको बैठकले ढकाललाई केन्द्रीय सदस्य, महामन्त्री र प्रवक्ताको जिम्मेवारीबाट हटाउने निर्णय गरेको हो । बैठकपछि आयोजित पत्रकार...

 पाँचौँपटक विश्वासको मत लिँदै ‘प्रचण्ड’

  काठमाडौं । प्रधानमन्त्री एवं नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल ‘प्रचण्ड’ले १८ महिनामा पाँचौँपटक विश्वासको मत लिँदै छन् । पछिल्लोपटक उनलाई समर्थन गरेको दल नेपाल कम्युनिष्ट पार्टी एमालेले समर्थन फिर्ता लिएपछि भोलि...

ऐतिहासिक चलचित्र ‘नालापानी’ पुनः रिलिज हुने

विराटनगर । ऐतिहासिक चलचित्र ‘नालापानी’ पुनः रिलिज हुने भएको छ । आगामी साउन २५ गतेबाट चलचित्र प्रदर्शनमा आउने भएको हो । निर्माता तथा निर्देशक रिमेश अधिकारीले नालापानीको पुनः रिलिजका लागि तयारी भइरहेको जानकारी दिए ।...