विराटनगर । विराटनगरको विभिएसले नयाँ शैक्षिक सत्रबाट फेसन डिजाइनिङ र व्यवस्थापन विषयको पठन पाठन सञ्चालन गर्ने भएको छ । विराटनगरमा रहेर एउटै क्षेत्रमा विभिन्न विकल्प सहितका विषयहरू अध्यापन गराउँदै आएको विभिएसले होटल म्यानेजमेन्टसँगै हस्पिटालिटी म्यानेजमेन्ट र कलिनरी आर्टस् पढाउँदै आएको छ ।

विभिएसले छात्र–छात्राहरूलाई विभिन्न विकल्प सहित फेसनको उदाउँदो दुनियाँमा व्यवसायिक अनुभव प्रदान गर्ने लक्ष्य राखेर फेसन डिजाइनिङ र व्यवस्थापन विषयको पठन पाठन सञ्चालन गर्ने भएको हो ।

शैक्षिकसत्र २०८१ देखि फेसन डिजाइनिङ तथा कर्मसका विषयका पठनपाठनलाई उत्कृष्ट, प्रभावकारी साथै प्रयोगात्मक र व्यवहारिक बनाउँदै गुणस्तरीय शिक्षा प्रदान गर्ने कलेजका कार्यक्रम निर्देशक दिपेन भट्टराईले बताएका छन् । कलेजले व्यवसायीक विषयका रूपमा फेसन डिजाइनिङ ल्याएको र अन्य डिप्लोमा संस्था, बुटिक, र फेसन कार्यक्रम व्यवस्थापन टोलीसहितको विभिन्न साझेदारहरूसँग सहकार्य सहित यसलाई व्यवस्थित बनाइएको उनले जानकारी दिए ।

फेसन डिजाइनिङ र व्यवस्थापन कार्यक्रम व्यवस्थापनका लागि कलेजले दिपेन भट्टराईलाई कार्यक्रम निर्देशकका रुपमा नियुक्त गरेको छ । संस्थाको संस्थापक प्राचार्य र अध्यक्षको रूपमा कार्य गरि भट्टराईलाई कलेजले नयाँ भूमिकामा भिœयाएको हो । त्रिभुवन विश्वविद्यालय, काठमाडौंबाट आफ्नो एम.फिल÷पिएचडी पूरा गर्दै गरेका भट्टराईले विभिएसलाई शैक्षिक उत्कृष्टता र नयाँ उचाइमा पु¥याउँने बिश्वास गरिएको छ ।

एक दशकदेखि होटल व्यवस्थापनमा प्रयोगात्मक र व्यवहारिक शिक्षा दिदै आएको विभिएसले उत्पादन गरेका जनशक्ति देशका विभिन्न तारे होटलदेखि पर्यटकीय गन्तव्यका रेष्टुरेन्टमा काम गरिरहेका छन् भने उच्चशिक्षाका लागि अष्ट्रेलिया, जापान, वेलायत, अमेरिका जस्ता देशमा पुगेका विद्यार्थीहरू अध्ययनसँगै काम पनि गरिरहेका छन् ।