विराटनगर । आईसीसी पुरुष क्रिकेट विश्वकप लिग टू अन्तर्गत आज सिरिजको अन्तिम खेलमा नेपालले घरेलु टोली अमेरिकासँग प्रतिष्पर्धा गर्दैछ ।
खेल नेपाली समयानुसार राति सवा ९ बजे शुरु हुनेछ । सिरिजमा नेपालले अमेरिकासँगको पहिलो खेलमा रोमाञ्चक बराबरी खेलेको थियो ।
नेपालले २७५ रनको विजयी लक्ष्य दिएको सो अमेरिकाले पनि निर्धारित ५० ओभरमा २७४ रन नै बनाएपछि खेल टाई भएको थियो । खेल टाई भएसँगै नेपाल र अमेरिकाले समान १र१ अंक बाँडेका थिए । सिरिजमा मंगलवार राति भएको ओमानसँगको खेलमा नेपाल ७ विकेटले विजयी भएको छ ।
आजको खेलमा पनि नेपाल अमेरिकालाई हराउँदै सिरिजको सुखद् अन्त्यको खोजिमा रहनेछ । अमेरिका पनि खेल जित्दै सिरिजमा सुखद् नतिजाको खोजिा मैदान उत्रिनेछ । नेपाल १५ खेलमा ७ मा जित, ७ मा हार र १ खेलमा बराबरीसहित १५ अंकका साथ अंक तालिकाको ५ औँ नम्बरमा रहेको छ । त्यस्तै २३ खेलमा १० मा जित र १२ मा हार तथा १ खेलमा बराबरी गरेको अमेरिका २१ अंकसहित अंकतालिकाको चौथो स्थानमा छ । समूहचरणमा नेपालसहित ओमान, अमेरिका, स्कटल्याण्ड, यूएई, पपुवान्यूगिनी, र नामिबियासहित ७ देश रहेका छन् ।
Post Views: 2