विराटनगर । ‘रातकी रानी’ बोलको गीतको म्युजिक भिडियो सार्वजनीक भएको छ । मोडल करिश्मा ढकाल र खेमराज भट्टराईको अभिनय रहेको भिडियो सुविस्ता इण्टरटेनमेन्ट युटुव च्यानल मार्फत सार्वजनीक भएको हो ।

रमेश भट्टराइको शब्द रहेको गीतमा सुशान्त रेग्मीको स्वर रहेको छ ।

‘रातकी रानी’ बोलको म्युजिक भिडियोलाई विरेन्द्र भट्टले छायाङ्कन गरेका हुन भने प्रविन थापाले निर्देशन गरेका हुन । भिडियोलाई विष्णु खड्काले सम्पादन गरेका हुन । भिडियोमा पर्यटकिय स्थल नगरकोटका मनोरम दृश्यहरु देख्न सकिन्छ ।

भिडियो वनाउनको लागि आफुले सक्दो मेहनत गरेको प्रोडक्सन समुहका उमेश खडकाले बताए ।

सुविस्ता इण्टरटेनमेण्टले यस अघि संझिराख है साथी, हेल्लो मेरो साथी लगायतका चर्चित गीतहरु सार्वजनिक गरिसकेको छ ।

निकै धेरै गीतहरु सार्वजनिक गरिसकेका रमेशले यो पटक रोमान्टिक किसिमको गीत वजारमा ल्याएको बताएका छन् ।