विराटनगर । सिर्जना वाचन डबली युएइको आयोजनामा अक्षरहरुको आवाज २० औ श्रृङखलामा प्रदिप रोदन प्रस्तुत हुने भएका छन् । गजल मार्फत चर्चामा रहेका गजलकार प्रदीप रोदनले सिर्जना वाचन डबलीको आयोजना र अन्तर्राष्ट्रिय नेपाली समाज युएईको सह आयोजनामा हुन लागेको कार्यक्रम “रोदन मुशायरा” मा आफ्नो प्रतुती प्रस्तुत गर्ने भएका हुन् ।
युएईको दुबई सहरमा आगामी जुलाई २४ तारिख आइतबार हुन लागेको सो कार्यक्रममा गजलकार रोदनको विशेष गजल प्रस्तुति रहनेछ । साथै कार्यक्रममा युएईमा रहेका नेपाली भाषीहरुले समेत आफ्नो रचना प्रस्तुत गर्ने भएका छन् ।
यसअघि गत फेब्रुअरीमा आयोजना गरिएको “शेर सङ्गीत मुशायरा” का लागि गायक राज सिग्देलसँगै गजलकार रोदन युएई आउने तय भएको थियो । तर नेपाल सरकारले खाडी मूलुकका लागि भिजिट भिजामा कडाइ गरेका कारण गजलकार रोदनको युएई भ्रमण स्थगित भएको थियो । जसका कारण सो कार्यक्रममा गायक सिग्देलको मात्र एकल साङ्गीतिक प्रस्तुति रहन गएको थियो ।
कार्यक्रममा साहित्यपोस्ट सहित राष्ट्रिय डेली, सेतोमाटो र नमस्ते दुबई मिडिया पार्टनरको रुपमा रहनेछन् ।भने कार्यक्रमको संयोजकका रुपमा गजलकार श्री भवानी नेपाल रहेका छन् ।
Post Views: 1