विराटनगर । चौधौँ संस्करणको साफ च्याम्पियनसिप फुटबलको उपाधिको लागि भारत र कुवेत खेल्ने भएका छन् । हिजो बेलुकी भएको सेमिफाइनलमा भारतले लेबनान र कुवेतले बंगलादेशलाई हराउँदै उपाधि भेट पक्का गरेका हुन् ।
बेंग्लोरको कान्तिरभा मैदानमा भारत र लेबनानबीचको खेलमा निर्धारित ९० मिनेट र अतिरिक्त ३० मिनेटमा पनि गोल हुन नसकेपछि पेनाल्टी भएको थियो । पेनाल्टीमा भारत ४–२ गोलले विजयी हुँदै उपाधि नजिकै पुगेको हो । यसअघि भएको खेलमा कुवेतले बंगलादेशलाई हराउँदै फाइनलमा पुगेको थियो ।
फाइनल खेल मंगलवार हुनेछ । साफका चौधौँ संस्करणमध्ये भारतले सर्वाधिक ८ पटक उपाधि जितेको छ । लेबनान र कुवेतले आमन्त्रित टोलीका रुपमा साफ च्याम्पियनसिप खेलेका हुन् ।
Post Views: 0