विराटनगर । नेपाली राजनीति घटनाक्रममा आधारित एतिहासिक चलचित्र ‘कोतपर्व’को शीर्षमध्येको एक भूमिकामा अभिनेत्री बेनिशा हमाल अनुबन्धित भएकी छन् । तर उनको भूमिका के भन्ने खुलाइएको छैन ।
फिल्मका निर्देशक रिमेश अधिकारीले हमाललाई चलचित्रमा अनुबन्ध गरेको बताए । तर अधिकारीले उनको भूमिकाबारे खुलाउन चाहेनन् ।
निर्देशक अधिकारीले भने, ‘अभिनेत्री बेनिशा हमाललाई दर्शकले यसअघि जसरी चिनेका छन् । त्यो भन्दा बिल्कुल फरक भुमिकामा प्रस्तुत हुदँैछिन् । बाँकी चलचित्रबाट नै खुलाउँला ।’
यसअघि पुरुष पात्रतर्फको प्रमुख भूमिकामा सौगात मल्ल र रमेश उप्रेती अनुबन्धित भइसकेका छन् । तर उनीको पनि के भूमिका हो भन्ने खुलाइएको छैन ।
१९०३ असोज २ गते नेपाली राजनीतिमा जंगबहादुर राणाको उदय भएको घटनाको विषयवस्तुमा रहेर चलचित्र निर्माण गर्न लागिएको हो ।
‘कोतपर्व’को छायांकन चैतदेखि काठमाडौं र चितवनमा सुरु गर्ने तयारी गरिएको निर्देशक अधिकारीले जानकारी दिए । चलचित्रलाई रिमेश अधिकारी फिल्म प्रोडक्सन र श्रीत फिल्म्स एण्ड इन्टरटेनमेन्टको ब्यानरमा छोटेलाल रौनियार र शारदा खड्का अर्यालले निर्माण गर्न लागेका हुन् ।
चलचित्रको कार्यकारी निर्माता शिव चन्द्र हुन् । चलचित्रमा राजेन्द्र ढकाल र राजाराम सुवाल सह निर्माता छन् भने प्रोडक्सन डिजाइनर पुष्कर लामा हुन् ।
चलचित्रका लागि कथा अनुसारका अन्य पात्रहरू छनोटको कार्य जारी रहेको अधिकारीले बताए ।
Post Views: 3