विराटनगर । मोरङ जिल्लाका प्रहरी प्रमुख एसपी नवराज कार्कीलाई सिभिल प्रहरी मार्फत अबैध रकम उठाउने गरेको आरोपमा मोरङ जिल्लाबाट प्रहरी प्रधान कार्यालय काठमाडौ सरुवा गरिएको छ । प्रहरी स्रोतका अनुसार कार्की मोरङ आएदेखी नै गृह मन्त्रालयको निर्णयले सिभिल प्रहरीहरु बोर्डर केन्द्रिद खटाउन नपाउने नियमको उलङघन गर्दै तस्करहरुसंग मोटो रकम उठाउने गरेको आरोपमाहेडक्वार्टर तानिएका हुन् ।
‘गृहमन्त्रीको पन्ध्रौँ निर्णयमा उल्लेखित भए अनुसार सादा पोसाकमा प्रहरी नराख्ने भनिएता पनि यो निर्णयलाई वास्ता नगरी एसपी कार्की आफैले सादा पोसाकमा घुमुवा प्रहरी राखी तस्करसँग साँठगाँठ गरी रातमा लाइन चलाएर भन्सार नतिरी सामान ओसारपसार गर्ने गरेको आरोप लाग्दै आईरहेको थियो भने खादा पोसाकमा प्रहरीहरु खटाएर अनलाईन अनलाइनमार्फत जुवा खेल्नेहरुसँग समेत पैसा असुलेको आरोप लागेको छ । प्रहरी स्रोतका अनुसार नवराज कार्काीले खादा पोसाकमा प्रहरी खटाएर रकम असुल्ने गरेको आरोपमा प्रहरी प्रधान कार्यालय काठमाडौ सरुवा गरिएको बताएको छ ।
‘गृहको निर्णयलाई मध्यनजर गर्दै अगाडिका डिआईजी राजेशनाथ बाँस्तोलाले धुमुवा प्रहरीहरुलाई हटाएका थिए । तर मोरङ प्रहरी प्रमुख भएर नवराज कार्की आएसंगै बाँस्तोलाले सरुवा गरेर पठाएका प्रहरीहरुलाई पुन सादा पोसाकमा खटाएका थिए । एसपी नवराज कार्की मोरङ आए लगतै बिवादित प्रहरीहरुलाई सादा पोसाकमा खटाएर तस्करहरुसंगको मिलेमतोमा तस्करीमा संलग्न भएको आरोप पटक पटक लाग्दै आईरहेको थियो ।
मोरङबाट एसपी कार्कीलाई अपराध अनुसन्धान विभागमा सरुवा गरिएको नेपाल प्रहरीका केन्द्रीय प्रवक्ता डीआईजी दानबहादुर कार्कीले बताए । उनका भनाई अनुसार केहि विषयमा छानविन गर्नु पर्ने भएकाले हेडक्वार्टर ल्याईएको उनले बताएका छन् । तर, एसपीलाई सरुवा गर्नुको कारण भने उनले खुलाउन चाहेनन् ।
एसपी कार्कीको जिल्ला प्रहरी प्रमुखका रुपमा २०८० फागुन २ गते सरुवा भएको थियो । फागुन ७ गते मोरङ हाजिर भएका थिए । उनलाई ८ महिनामै सरुवा गरिएको हो ।
अहिले जिल्ला प्रहरी कार्यालय मोरङका प्रमुख कार्कीलाई हेडक्वार्टर तानेर उनका ठाउँमा एसपी राजन लिम्बूलाई पठाइएको छ । लिम्बू प्रहरी प्रधान कार्यालयको अपराध अनुसन्धान विभागमा कार्यरत थिए ।
Post Views: 141