विराटनगर । मधेसका मुद्दाहरुलाई उठान गर्दै स्वर्गीय गजेन्द्रनारायण सिंहको अध्यक्षतामा गठन गरिएको नेपाल सद्भावना पार्टीले पुनर्जीवन पाएको छ ।
सो पार्टीले सांगठनिक गतिविधि तीव्र बनाएपछि पार्टीले पुनर्जीवन पाएको हो । यसअघि सो पार्टी लामो समयदेखि निष्क्रिय थियो । विराटनगरमा आयोजित एक कार्यक्रमकाबीच सो पार्टीको मोरङ जिल्ला कमिटी गठन गरिएको छ । पार्टीका पुराना नेता बद्रीप्रसाद मण्डलको अध्यक्षतामा आयोजित कार्यक्रमकाबीच २१ सदस्यीय मोरङ जिल्ला कमिटी गठन गरिएको छ । जगरनाथ राजवंशीको अध्यक्षतामा जिल्ला कमिटी गठन गरिएको हो ।
२०४७ सालमा निर्माण भएको सो पार्टी विभाजनलगायतका कारणले यसअघि निष्क्रिय थियो । पछिल्लो समय पार्टीले गत असारमा निर्वाचन आयोगबाट समेत मान्यता पाइसकेकाले यतिखेर पार्टीको जिल्ला, नगर र गाउँस्तरीय कमिटीहरु गठन गर्ने काम भइरहेको पूर्व उपप्रधानमन्त्रीसमेत रहेका मण्डलले बताए ।
उनले आउँदो निर्वाचनमा पार्टीले तीनै तहमा निर्वाचन लड्ने तयारी गरेको समेत उल्लेख गरे ।
Post Views: 246