सुजता थापा

विराटनगर । सुनसरी हरिनगर गाउँपालिकाका दयानन्द पालले एउटा भेडा १५ हजार सम्म बेच्ने गरेका छन् । भेडा पालन पालको पूखौली पेसा भएकाले पनि उनले दिनभर भेडा चराउनेमै विताउने गरेका छन् । पालसँग अहिले १५० वटा भन्दा बढी भेडा भएको बताउँछन् । ‘अहिले मसँग १५० वटा भेडा छन्’, पालले राष्ट्रिय डेलीसँग भने, ‘भेडा हेरेर १० हजार देखि १५ हजार रुपैयाँ सम्म विक्री हुन्छ ।’

पालको भेडा पालन बुवा–बाजे देखि पाल्दै आएको पेसा हो । पालले भेडा पालन बाट वर्षको ३ लाख सम्म आम्दामी गर्ने गरेका छन् । तर, त्यो आमदामीले खर्च धान्न मुस्कील हुने पाल बताउँछन् ।

१५० वटा भेडा चराउदै हिडेका दयानन्द पाल व्यपार नभए पछि चिन्तित देखिन्छन । चाड वर्षको बेला विभन्नि देवि देवतालाई भेडा बली दिने हुँदा त्यो समयमा व्यापार हुँने पाल बताउँछन् । तर, गत दसैँमा भने ७ वटा मात्र भेडा विक्री भएकोमा पाल दुखी छन् । ‘१२ लाखको लगानी गर्दा पनि वर्षको ५० प्रतिशत पनि फाईदा हुँदैन’, पालले राष्ट्रिय डेलीसँग भने, ‘महिना–महिनामा भेडालाई नमक(नुन) खुवाउनु पर्छ, भारतको पटनाबाट ल्याएर ।’

पालले अझ थपे, ‘भेडालाई नमक खुवाएन भने भेडाले माटो खान थाल्छ र विरामी हुन्छ ।’ भिटामिनको कमीका कारण भेडाको उपचारमा समेत खर्च हुने गरेको पाल बताउँछन् । भेडाबटा निस्कने उनको भाउ समेत नपाउँदा पाल चिन्तित छन् । ‘भेडाको उन प्रतिकेजी सय रुपैयाँका दरले विक्री हुन्छ’, पालले भने, ‘त्यसले हामीलाई पोसाउदैन ।’

सरकारले दिने सुविधा के हो पाललाई अहिले सम्म थहा छैन । ‘खै मिस गाउँपालिकाबाट अहिले सम्म केही सुविधा पाएको छैन’, पालले भने, ‘कति पत्रकार आउँछ के–के सोध्छ तर, पनि हामीले केही सुविधा पाएको छैन ।’