काठमाडौं । राप्रपा अध्यक्ष कमल थापाले संसद र सडकको शक्तिले निर्मल निवासबाट राजा फर्काउने बताएका छन् ।
बुधबार पार्टीको महाधिवेशन उद्घाटन सत्रलाई सम्बोधन गर्दै अध्यक्ष थापाले विभाजित राप्रपा एक भएर शक्ति आर्जन गर्न खोजेको दाबी गरे । शक्ति बलियो बनाएर सडक र संसदबाट राजा ल्याउने थापाको दाबी थियो ।
त्यसैले राप्रपाको अबको नारा ‘जनता आउँ, राजा ल्याउ’ भन्ने रहेको उनले बताए । अध्यक्ष थापाले राजादेखि विप्लवसम्म अटाउने मौलिक प्रजातन्त्रको विकास गर्न आग्रह गरे ।
एकीकृत समाजवादी अध्यक्ष माधव नेपालको भनाइप्रति इंगित गर्दै थापाले आफूहरू परिवर्तन विरोधी र प्रतिगमनकारी नभएको पनि दाबी गरे । ‘राजादेखि विप्लवसम्म अटाउने राजनीतिक प्रणालीको विकास गरौँ ।
हामीले भनेको मौलिक प्रजातन्त्र खोजेको हो पुरानो व्यवस्थामा फर्किन्छौँ भनेको होइन,’ उनले भने । अध्यक्ष थापाले आफूहरूको राजासहितको प्रजातन्त्रको नारा अग्रगामी र मध्यमार्गी विचार रहेको पनि दाबी गरे ।
अन्य पार्टीहरूले उठाउने गरेको धार्मिक स्वतन्त्रताको पक्षमा आफू पनि रहेको उल्लेख गर्दै उनले त्यसमा राजालाई थप्न मात्रै चाहेको बताए ।
Post Views: 36