काठमाडौँ । शिक्षा मन्त्रालयले भोलि (२७ पुसदेखि) १५ माघसम्म विद्यालय बन्द गर्ने निर्णय गरेको छ । सोमबार शिक्षा मन्त्रालयमा बसेको सचिवस्तरीय बैठकले कोभिड–१९ संकट व्यवस्थापन समन्वय केन्द्र (सीसीएमसीसी)को सिफारिसलाई कार्यान्वयनमा लैजाने निर्णय गरेको हो । सीसीएमसीसीले वार्षिक बिदामा मिलान हुने गरी १५ माघसम्म विद्यालय बन्द गर्न आइतबार मन्त्रालयसमक्ष सिफारिस गरेको थियो ।
मन्त्रालयले विज्ञप्तिमार्फत सो अवधिमा विद्यार्थिको सिकाइमा सहजीकरण गर्न शैक्षिक संस्थालाई आग्रह गरेको छ । विद्यालयहरु बन्द भएपनि स्वास्थ्य सुरक्षाका मापदण्ड पालना गर्दै पूर्वनिर्धारित सेमेष्टर र वार्षिक परीक्षा भने सञ्चालन हुने भएका छन् ।
‘विदाको अवधिमा विद्यालयहरूले सिकाइ सहजीकरण निर्देशिका २०७७ ले गरेको व्यवस्था बमोजिम विद्यार्थीको सिकाइमा आवश्यक सहजीकरण गर्ने प्रबन्ध मिलाउन तथा विश्वविद्यालय र शैक्षिक प्रतिष्ठानहरूले पूर्व निर्धारित सेमेष्टर र वार्षिक परीक्षाका कार्यक्रमहरू जनस्वास्थ्य र सुरक्षाका मापदण्डहरू पूर्णरूपमा पालना गर्न सम्बन्धित सबैको जानकारीको लागि यो सूचना प्रकासित गरिएको व्यहोरा अनुरोध छ,’ सूचनामा भनिएको छ।
।
Post Views: 5