नेपाली कांग्रेसको १४ औ महाधिवेशनमा लोकप्रिय मत ल्याएर विराटनगर महानगरपालीकाको सभापती पदमा विजय भएका नेता हुन दीपक चापागांई । नेपाली कांग्रेसको राजनीतीमा राम्रो छवि वनाउन सफल चापागाँई समाजसेवीका रुपमा समेत परिचित छन् । बैसाख ३० गते सरकारले स्थानिय तहको निर्वाचन तोकेसँगै अहिले विराटनगर चुनावी सरगर्मी बढिरहेको छ । यसै विषयमा दीपक चापागाईंसंग राष्ट्रिय डेलीले गरेको कुराकानी प्रस्तुत गरेका छौ ।
१. नेपाली कांग्रेस विराटनगर महानगरपालिका चुनाबी गठनबन्धनमा जान्छ या जादैन ?
नेपाली कांग्रेस महानगर समिति मात्र हैन सिंगो नेपाली कांग्रेस नै चुनाव एक्लै लड्नु पर्छ भन्ने मेरो धारणा हो र यही धारणालाई मैले सबै साथीहरुसामु अघि सारेको छु । अन्तिम घडी सम्ममा, नेपाली कांग्रेस वि.मा. न. पा. समितिलाई चुनावी माहोलमा एक्लै र कांग्रेसमय बनाएर लाग्ने छु। मतको विषयमा मेरो कुरा स्पष्ट छ मन जिते मत आउँछ।
२. उम्मेदवार चयनमा सभापति ज्यूको धारणा के छ ?
यो पल्ट लाईन र पालोले हैन योग्यता,क्षमता र जनप्रियताका आधारमा उम्मेदवार चयन गर्ने छौ र बहुमत सहित चुनाव जित्ने छौ ।
३. तपाइको उमेद्वारी रहन्छ कि रहदैन ?
मेरो योग्यता र क्षमताको परीक्षा मैले हरेक चोटि चाहे त्यो सांगठनिक रूपमा होस् या स्वन्त्ररूपमा दिदै आएको छु । संगठनभित्र आवद्ध अग्रज,नेता,साथीभाई र आम जनताको ईच्छाअनुरूप मलाई जुन पद दिएर सेवा गर्ने मौका दिइन्छ, म त्यो जिम्मेवारी साथ स्वीकार गर्नेछु ।
४. नेपाली कांग्रेसबाट विराटनगरको मेयर उम्मेदवार को हुन्छ ?
को हुनु पर्छ र को हुन्छ भन्ने कुरा अहिले नै भन्न सकिन्न । धेरै जनाको नाम चर्चामा आएको छ ती नामहरु मध्ये मेरो पनी नाम छ। मैले अघिनै प्रष्ट बनाई सके संगठनभित्र आवद्ध अग्रज,नेता,साथीभाई र आम जनताको ईच्छा अनुरूप योग्यता,क्षमता र जनप्रियतका आधारमा उम्मेदवार चयन गर्ने छौ।
५ .भर्खरै सम्पन्न महाधिवेशनमा संगठनभित्र युवाहरुले जुन उत्साह सहित ठाउँ पाएका छन् ,के आम निर्वाचनमा पनि पार्टीले त्यो उत्साह कायम राख्न सक्ला युवा वर्गले ठाउँ पाउँछन् ?
हिजो संगठन भित्र युवा मात्र भएर युवाहरुले ठाउँ पक्कै पाएका हैनन् । युवा, वृद्ध र वयस्क भएको आधारमा ठाउँ खोजेर सुसंस्कृत राजनीतिक अभ्यास हुन्न। ठाउँ क्षमताले पार्इन्छ।
Post Views: 9