विराटनगर । विराटनगर २ मा रहेको सेन्ट जोसेफ विद्यालयले हरेक बर्ष झै यस बर्ष पनी भब्य रुपमा क्रिसमस मनाएको छ । विद्यालयले विद्यालयमा अध्ययनरत विद्यार्थी र अभिभावकका माझ क्रिसमस मनाएको हो ।
सेन्ट जोसेफ विद्यालयले हरेक बर्ष विद्यार्थी र अभिभावकका विच क्रिसमस मनाउँदै आइरहेको छ । क्रिसमसकै अवसरमा विद्यालयमा अध्ययनरत विद्यार्थीहरुले नृत्य,गायन ,मोडलिङ समेत प्रस्तुत गरेका थिए ।
हरेक वर्ष २५ डिसेम्बरमा येशु ख्रिष्टको जन्मदिनको खुसियाली मनाउने परम्पराअनुसार नेपालसहित संसारभर क्रिसमस मनाउँने गरिन्छ । विद्यालयले क्रिसमसको अवसरमा अभिभावकहरुमा शुभकामना तथा उपहार समेत प्रदान गरेको थियो । क्रिसमसको अवसरमा आयोजित कार्यक्रममा कक्षा नर्सरी देखी १० सम्मका विद्यार्थीहरुले आफुले सिकेका नृत्य गायन र मोडलिङले अभिभावकहरुलाइ मनोरंजन समेत प्रदान गरेका थिए ।
कार्यक्रममा विद्यालयका डाइरेक्टर रोहितजंग थपलिया, बोर्ड अफ डाइरेक्टर अमन सिटौला, अशेष सिटौला, भ्वाइस प्रिन्सिपल पवन सिंह राजपुत लगायतको उपस्थिति रहेको थियो ।
Post Views: 2