विराटनगर । गृह मन्त्रालयको पन्ध्रौँ निर्णयमा उल्लेखित भए अनुसार सादा पोसाकमा प्रहरी नराख्ने भनिएता पनि यो निर्णयलाई वास्ता नगरी एसपी नवराज कार्कीले आफैले सादा पोसाकमा घुमुवा प्रहरी राखी तस्करसँग साँठगाँठ गरी अवैध रकम उठाएको आरोपमा प्रहरी प्रधान कार्यालय काठमाडौ सरुवा गरिएको छ । प्रहरी स्रोतका अनुसार नवराज कार्कीले सादा पोसाकमा प्रहरी खटाएर रकम असुल्ने गरेको आरोपमा प्रहरी प्रधान कार्यालय काठमाडौ सरुवा गरिएको बताएको छ ।

त्यसैगरी अनलाइनमार्फत जुवा खेल्नेहरुसँग २० लाख भन्दा बढी पैसा असुलेको आरोपमा जिल्ला प्रहरी कार्यालय मोरङका खादा पोसाकका इन्स्पेक्टर सहित ४ जना प्रहरीलाई अनुसन्धान एवं छानबिनमा प्रदेश प्रहरी कार्यालय विराटनगर बोलाईएको छ । जिल्ला प्रहरी कार्यालय मोरङमा कार्यरत इन्स्पेक्टर विक्रमबहादुर भट्टराई, हवल्दार राजकुमार श्रेष्ठ, सहायक हवल्दार सरोज श्रेष्ठ र इलाका प्रहरी कार्यालय बेलबारीमा कार्यरत हवल्दार खगेन्द्र राउतलाई कारबाहीको दायरामा ल्याइएको हो । उनिहरुलाई एसपी नवराज कार्की आफैले अवैध रकम असुल्न खटाउँदै आईरहेको प्रहरी स्रोतले बताएको छ।

विराटनगर लगायत मोरङका विभिन्न सिमानाकाहरुमा पछिल्लो समय व्यापक तस्करी हुँदै आईरहेको थियो । मोरङका एसपी नवराज कार्की आफैले खादा पोसाकका प्रहरीहरु खटाएर तस्कर र जुवा खेल्नेहरुसंग मोटो रकम असुल्दै आईरहेको थिए । यस विषयमा राष्ट्रिय डेलीले निरन्तर समाचार प्रकाशन गर्दै आईरहेको थियो ।

मोरङका सिमानाहरुमा हवल्दार बिनोद यादव ,बरिष्ठ हवल्दार राजमंगल सिंह, प्रहरी जवान पिन्टु यादवलाई एसपी नवराज कार्की आफैले खटाएर तस्करहरुसंग मोटो रकम असुल्दै आईरहेका थिए । विराटनगर लगायत मोरङका सिमाहरुबाट विभिन्न सामानहरुको तस्करी गर्ने तस्करहरुसंग कार्की आफैले प्रहरी खटाएर रकम माग्ने गरेको एक व्यवसायीले नाम नखुलाउने सर्तमा बताए ।

मोरङ जिल्ला प्रहरी प्रमुख भएर नवराज कार्की आएसंगै बोर्डरमा तस्करी बढेको थियो । कार्कीले सादा पोसाकमा प्रहरीहरु खटाई विराटनगर लगायत मोरङ जिल्ला भरीका होटल, रेष्टुरेन्ट , क्यासिनो र जुवा खालबाट पैसा असुल्न लगाउने गरेका थिए ।

जिल्ला प्रहरी कार्यालय मोरङमा कार्यरत इन्स्पेक्टर विक्रमबहादुर भट्टराई, हवल्दार राजकुमार श्रेष्ठ, सहायक हवल्दार सरोज श्रेष्ठ लगायतले जुवा खाल, होटल, रेष्टुरेन्टबाट अवैध रकम असुली गर्ने गरेका थिए भने मोरङ जिल्लाका बोर्डरहरुबाट तस्करहरुसंग हवल्दार बिनोद यादव ,बरिष्ठ हवल्दार राजमंगल सिंह, प्रहरी जवान पिन्टु यादवले मोटो रकम लिने गरेका थिए ।

सरुवा भएर आएदेखी नै तस्करहरुसंग मिलेर तस्करी गराएको, विराटनगरका क्यासिनोहरुसंग सेटिङ , सादा प्रहरी खटाएर होटल, रेष्टुरेन्टबाट अबैध रकम उठाउने गरेको आरोप कार्काीलाई लाग्दै आईरहेको थियो । विहिबार मोरङको विराटचोकबाट एसपी कार्कीकै नेतृत्वमा अनलाईन जुवा खेल्नेहरुसंग सादा पोसाकका प्रहरीहरुले २० लाख रुपैयाँ लिएको बाहिर आएसंगै कार्कीलाई प्रहरी प्रधान कार्यालय काठमाडौ तानिएको छ भने इन्स्पेक्टर विक्रमबहादुर भट्टराई, हवल्दार राजकुमार श्रेष्ठ, सहायक हवल्दार सरोज श्रेष्ठ र इलाका प्रहरी कार्यालय बेलबारीमा कार्यरत हवल्दार खगेन्द्र राउतलाई कोशी प्रदेश प्रहरी कार्यालय विराटनगरमा अनुसन्धान भईरहेको छ । त्यसैगरी मोरङका सिमाबाट तस्करहरुसंग अबैध रकम असुल्ने हवल्दार बिनोद यादव ,बरिष्ठ हवल्दार राजमंगल सिंह, प्रहरी जवान पिन्टु यादवलाई प्रदेश प्रहरी कार्यालय तानिएको छ ।

प्रहरी सुत्रका अनुसार इन्स्पेक्टर विक्रमबहादुर भट्टराईलाई भने निलम्बनको तयारी गरिएको बताइएको छ । प्रहरी अधिकारीहरुले पनि यस घटनालाई गोप्य राख्न चाहेका छन् । सार्वजनिक गर्न नचाहेका कारण यस प्रकरणमा उनीहरुको भूमिका नै शंकास्पद देखिएको छ । गम्भीर विवादमा परेका प्रहरीलाई जोगाउनका लागि कतै चलखेल त भइरहेको छैन र भन्ने प्रश्न उठेको छ ।

सरुपी नवराज कार्कीको सरुवाका विषयमा भने नेपाल प्रहरीका केन्द्रिय प्रवक्ता दानबहादुर कार्कीले केहि विषयमा अनुसन्धान गर्नुपर्ने भएकाले काठमाडौ झिकाईएको बताएका छन् । उनले अबैध रकमका विषयमा अनुसन्धान भईरहेको र दोशी भेटिए कारवाहि हुने बताएका छन् ।