विराटनगर । हिसान स्पोर्टस् मिटको १२ औं संस्करण आजबाट सुरु भएको छ । उच्च शिक्षालय तथा माध्यमिक विद्यालय संघ नेपाल (हिसान) मोरङको आयोजनामा आजबाट विराटनगरमा स्पोर्टस् मिट सुरु भएको हो । आजको उद्घाटन खेलमा बैजनाथपुर क्रिकेट रंगशालामा क्रिकेट, दिल्ली पब्लिक स्कुलको मैदानमा भलिवल र सहिद रंगशालामा फुटबल खेल संचालन भइरहेको हिसान कोशी प्रदेश सचिव दिपेश वास्तोलाले जानकारी दिए ।

‘हिसान मोरङको मूल मन्त्र, शिक्षा र खेलकुद बलियो संयन्त्र’ भन्ने नाराका साथ सुरु भएको स्पोर्टस् मिट माघ १६ गतेसम्म संचालन हुने छ । खेलकुदको माध्यमबाट अनुशासन कायम राख्दै, स्वास्थ र सार्वभौमिकताको रक्षा गर्न सक्ने देशभक्त नागरिक उत्पादन, लागुपदार्थको कुलतबाट युवाहरुलाई जोगाउँदै राष्ट्रिय स्तरका खेलाडी तयार गर्न उद्देश्यका साथ स्पोट्र्स मिट संचालन गरिएको हिसानले जनाएको छ ।

स्पोर्टस् मिटमा हिसानसँग आवद्ध कलेजहरुले भाग लिएका छन् ।स्पोर्टस् मिटमा छात्रा फुटबल, कवडी, फुटबल (छात्र तथा छात्रा), क्रिकेट (छात्र), बास्केटबल (छात्र), कवडी (छात्र) भलिबल (छात्र तथा छात्रा), टेबलटेनिस सिंगल र डब्लस् (छात्र÷छात्रा), एथलेक्टिसका खेलहरु समावेश गरिएका छन् । प्रतियोगितामा विभिन्न खेलमा २९ वटा कलेजका १ हजार २ सय बढी विद्यार्थीहरुले सहभागिता जनाउने छन् ।