विराटनगर, ४ फागुन । विराटनगरस्थित सुशीला कोइराला आरोहण गुरुकुलमा नाटक ‘मुनामदन’ मञ्चन भइरहेको छ ।
विराट आदर्श साहित्य मञ्चले महाकवि लक्ष्मीप्रसाद देवकोटाको खण्डकाब्यमा आधारित ‘मुनामदन’ नाटक फागुन १ गतेदेखि मञ्चन गरिरहेको छ । नाटकमा मुनाको भूमिकामा अनुषा कटवाल छिन् भने सुदीपजङ्ग कार्की मदनको भूमिकामा छन् ।
यस्तै दिदीको भूमिकामा रञ्जु पौडेल, आमाको भूमिकामा सविना श्रेष्ठ, भोटेको भूमिकामा मानाहाङ लावती रहेका छन् । यस्तै नाटकमा अनिल खत्री, प्रदीप दाहाल, प्रवेश तिमल्सिना, पूजा कटवाल, माया राई, विमल साम्वाहाम्फे र सञ्जय गिरीलगायतको अभिनय छ ।
मदनको भूमिकामा देखिन लागेका कार्कीले विगतमा ‘मुनामदन’ नाटकको निर्देशनसमेत गरिसकेका छन् । यसअघि दर्शकले अत्यधिक रुचाएको नाटक यसपटक पनि दर्शकको प्राथमिकतामा परेको मञ्चका अध्यक्ष कटवाल दीपकले बताए ।
Post Views: 8