विराटनगर । मोरङको बुढीगंगा–२ टंकिसिनुवारीमा अवस्थित जेभियर्स बोर्डिङ स्कूलको आठौं वार्षिकोत्सव सम्पन्न भएको छ । शनिवार स्कुल प्राङ्गणमा आयोजित कार्यक्रममा वार्षिकोत्सव तथा अभिभावक दिवस सम्पन्न भएको हो । सो अवसरमा  विद्यार्थीहरूले विभिन्न सांस्कृतिक कार्यक्रम साथै विज्ञान प्रर्दशनी समेत गरेका थिए ।

प्रमुख अतिथि बूढीगंगा गाउँपालिकाका प्रमुख जित नारायण थापा मगरले विद्यालयले विद्यार्थीहरूलाई किताबि ज्ञान मात्रै नभएर ब्यबहारीक ज्ञानमा पनि उत्तिकै ध्यान दिएको बताए ।अनुशासन सँगै जेभियर्सका विद्यार्थीहरूमा नेतृत्व गर्नसक्ने क्षमता पनि देखेको उनले बताए । उनले बूढीगंगाको शैक्षिक क्षेत्रलाई महत्वपूर्ण स्थानमा पु¥याउन गाउँपालिकाले महत्वपूर्ण भूमिका निर्वाह गर्ने बताए ।

प्रिन्सिपल परेश पोखरेलले जेभियर्सले सँधै गुणस्तरीय शिक्षामा जोड दिँदै आएको बताए । उनले विद्यार्थीहरूको क्षमता अभिवृद्धि गर्न विद्यालयले विभिन्न कार्यक्रम गर्दै आएको समेत जानकारी दिए । उनले अन्य विद्यालयसँग प्रतिस्पर्धा गरेर नभइ गुणस्तरीय शिक्षा दिएर विद्यार्थी र अभिभावकको मन जित्ने उद्घोष गरे । उनले जेभियर्स स्कुललाई बूढीगंगाको मात्र नभएर देशकै उत्कृष्ठ शैक्षिक संस्थाका रूपमा स्थापित गर्न लागिपर्ने पोखरेलले बताए ।

सोही अवसरमा बूढीगंगा गाउँपालिका भित्रका निजी तथा सामुदायीक विद्यालयका उत्कृष्ट अंक ल्याउने विद्यार्थीहरूलाई पनि सम्मान गरिएको थियो ।

विद्यालय व्यवस्थापन समितिका अध्यक्ष सरिता कुमारी रानाको सभापतित्वमा भएको कार्यक्रममा गाउँपालिका अध्यक्ष, उपाध्यक्ष, अभिभावक, शिक्षक, विद्यार्थी, पत्रकार लगायत विभिन्न क्षेत्रका व्यक्तिहरूको सहभागिता रहेको थियो ।