लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
विराटनगर । विराटनगरको बैजनाथपुरस्थित गिरिजाप्रसाद कोइराला खेल मैदानमा कोशी प्रदेश ट्रफी राष्ट्रिय टी–ट्वेन्टी क्रिकेट प्रतियोगिता हुने भएको छ ।
मोरङ जिल्ला क्रिकेट संघले आज विराटनगरमा आयोजित पत्रकार सम्मेलनमा सघंका अध्यक्ष मोहम्मद साद कुरैसीले फागुन २२ गतेबाट चैत्र ३ गतेसम्म कोशी प्रदेश राष्ट्रिय टी– ट्वेन्टी प्रतियोगिता हुने जानकारी दिए । पत्रकार सम्मेलन अध्यक्ष कुरैसीले प्रतियोगिताको लागि मैदान तयारीको काम तीव्रता पूर्वक भइरहेको बताए ।
प्रतियोगिताका विजेताले ५ लाख रुपैया र उपविजेताले ३ लाख रुपैया हात पार्ने बताएका अध्यक्ष कुरैसीले प्रतियोगिताका लागि अन्र्तराष्ट्रियस्तरको मैदान तयार हुने प्रस्टाए । सात वटा प्रदेशसंगै ३ वटा विभागिय टोलीबीच प्रतिस्पर्धा हुने प्रतियोगिताका लागि करिब ७५ लाख रुपैया खर्च हुने उनको भनाई छ । लिग कम नकआउटको आधारमा हुने प्रतियोगितामा १० टोलीले कुल २३ खेल खेल्नेछन् ।
पत्रकार सम्मेलनका क्रममा कोशी प्रदेश क्रिकेट संघका अध्यक्ष सर्वजीत राज पाण्डेले टी–ट्वेन्टीलाई सफलता पूर्वक आयोजना गराउन सबै पक्षले सहयोग गर्नु पर्ने बताए । क्यानको क्यालेण्डर अनुसार आयोजना हुने यस प्रतियोगिताले प्रदेशको क्रिकेट क्षमतालाई थप उजागर गर्न महत्वपूर्ण भूमिका खेल्ने उनको भनाइ छ ।
पत्रकार सम्मेलनमा कोशी प्रदेशका मुख्यमन्त्री केदार कार्कीका जनसम्पर्क सल्लाहकार लिलाबल्लभ घिमिरेका अनुसार क्रिकेटको विकासका लागि सरकारले तयार रहेको छ ।
अन्र्तराष्ट्रिस्तरमा मुलुकलाई चिनाउन क्रिकेट सफल भएको बताएका जनसम्पर्क सल्लाहकार घिमिरेले कोशी प्रदेश राष्ट्रिय टी–ट्वेन्टी प्रतियोगिताले खेलाडीको क्षमता र अनुभवमा निखार ल्याउनेमा विश्वस्त रहेको बताए ।
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।