नेपालीको लागि अस्ट्रेलियाबाट एउटा गौरबपूर्ण समाचार आएसँगै वरिष्ठ बैज्ञानिक डा. सन्तोष पाण्डे भिक्टोरियन बहुसांस्कृतिक आयोगको सल्लाहकारको रुपमा नियुक्त भएका छन् । दुई बर्षका लागि सल्लाहकारहरु नियुक्त गर्ने क्रममा २०२१– २०२३ का लागि बारवन साउथ वेष्ट रिजनको प्रतिनिधित्व हुने गरी रिजनल अडभाइजरी काउन्सिल मा जिलोङ निवासी ग्रेटर जिलोङ नेपाली समाजका संस्थापक अध्यक्षमा डा. सन्तोष पाण्डेलाई भिक्टोरियन बहुसांस्कृतिक आयोगको सल्लाहकारमा नियुक्त गरेको हो ।
बहुसांस्कृतिक देशको रुपमा परिचित अस्ट्रेलियाको भिक्टोरिया राज्य विश्वभरका देशका नागरिकको साझा घरको रुपमा चिनिन्छ । अधिकांश देशका नागरिकको बसोबास यहाँँ भएकाले भिक्टोरिया राज्य सरकारले यस भित्र बसोबास गर्ने सबै देशका महत्वपूर्ण चाड पर्ब मनाउछन् । चाडपर्ब संरक्षण र प्रबर्द्धन गरी सबैलाई एकताबद्ध गरी अगाडि बढउछ र बहुसांस्कृतिक आयोग मार्फत काम गर्ने गर्छ । आफ्नो कामलाई व्यवस्थित गर्नका लागि यस्ले यस्ता कार्यहरु गर्दछ् ।
डिकिन विश्वविद्यालय विद्याबारिदी गरी वाताबरण इन्जिनियरको रुपमा कार्यरत डा पाण्डेले बिभिन्न पेशेवार जर्नलहरुमा अनुसन्धानमूलक लेखहरु र एउटा पुस्तक प्रकाशित गरेका छन् । डिकिन विश्वविद्यालयमा बातावरण इन्जिनियरिङ्गसम्बन्धी अन्डर र पोस्टग्र्याजुयट गर्ने विद्यार्थीहरुलाई अध्यापन समेत गर्ने डा. पाण्डे हाल साथर्न रुरल वाटरमा प्रोजेक्ट मैनेजरको रुपमा कार्यरत छन् ।
बिभिन्न देशका प्रतिनिधिको समेत चयन गरिने भिक्टोरियन बहुसांस्कृतिक आयोगमा सबल र योग्य ब्यक्तिको चयनले मात्रै संस्थामा नेपाल र नेपालीको उचाइ कायम हुन सक्ने ठट्टाका भरमा पात्रको चयनले भन्दा डा.सन्तोष पाण्डे जस्तो व्यक्तिको चयनले भिक्टोरियन बहुसांस्कृतिक आयोगमा नेपालीको प्रतिनिधित्वको बिशेष अर्थ र महत्व राख्ने लुम्बिनी कपिलवस्तु विश्व अभियानका विश्व संयोजक एबं अन्तरास्ट्रिय नेपाली कलाकार समाज इनासुका विश्वसल्लाहकार रामकुमार श्रेष्ठले बताए ।
Post Views: 2