लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
विराटनगर । विराटनगर–६ केशलिया रोड छेउमा रहेको म्यारिलिबोन विराटनगर ज्वाला क्रिकेट मैदानमा आजबाट तेस्रो इक्युवालिटि कप क्रिकेट प्रतियोगिता सुरु भएको छ । प्रतियोगिताको उद्घाटन नेपाल क्रिकेट संघ (क्यान) का अध्यक्ष चतुरबहादुर चन्दले गरेका छन् ।
उद्घाटन कार्यक्रममा बोल्दै चन्दले ग्रामिण क्षेत्रमा क्रिकेट खेलको विकास गर्नुपर्ने बताए । उनले पुरुषतर्फ नेपाली क्रिकेट निक्कै अगाडी बढीसकेको बताउँदै महिलालाई पनि अगाडी बढाउन आवश्यक रहेको बताए ।
‘क्रिकेटको विकासमा राज्यले ध्यान दिनुपर्दछ । महिला क्रिकेटमा पनि मेहनत गर्नु पर्छ । गरिराखेका छन् । अझै धेरै गर्नुपर्नेछ’, अध्यक्ष चन्दले भने, ‘अन्डर १९ मा प्रभाव छोडन सकेको छैन । महिला खेलाडीको क्रिकेटमा कमी छ । नयाँ खेलाडी उत्पादनमा ध्यान दिएर अगाडी बढनुपर्छ ।’
नेपाल क्रिकेट फाउण्डेशनका अध्यक्ष अभिषेक श्रेष्ठले महिला क्रिकेट खेलाडी उत्पादन गर्न यस्तो प्रतियोगिताले ठूलो सहयोग पुग्ने उनले बताए । क्रिकेट क्षेत्रको विकासमा लागि परेको उनले बताए । नेपाल क्रिकेट संघ कोसी प्रदेशका अध्यक्ष सर्वजित पाण्डेको पनि सहभागि रहेको थियो ।
प्रतियोगितामा कोशी प्रदेशका मोरङ र इलाम तथा मधेस प्रदेशका सप्तरी र सिरहा गरेर चार टिमको सहभागिता छ ।
नेपाल क्रिकेट फाउण्डेसनले मोरङ क्रिकेट संघसँगको समन्वयमा फागुन २२ गतेदेखि २५ गतेसम्मप्रतियोगिता संचालन गर्नेछ ।
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।