विराटनगर । मोरङ क्रिकेट संघको आयोजनामा विराटनगरमा जारी कोशी प्रदेश ट्रफी पेप्सी राष्ट्रिय टी–२० क्रिकेट प्रतियोगिताअन्तर्गत सोमबार भएका खेलमा सुदूरपश्चिम प्रदेश र एपीएफ विजयी भएका छन् ।
विराटनगरको वैजनाथपुर क्रिकेट रंगशालामा सोमबार भएको पहिलो खेलमा सुदूरपश्चिम प्रदेशले बागमती प्रदेशलाई २ विकटले पराजित गरेको छ । जितसँगै सुदूर समूह ‘बी’ मा ४ खेलमा ३ मा जित र १ मा पराजयसहित प्रतियोगिताबाट बाहिरिएको छ । बागमतीले बाँकी दुई खेल जित हात पारे पनि समूह चरणबाटै बाहिरिने छ । सुदूर भने सेमिफाइनल नजिक पुगेको छ । अब पुलिसले बाँकी रहेको २ खेलमा लुम्बिनी र बागमतीलाई भारी अन्तरमा जित निकाले मात्र सुदूर प्रतियोगिाबाट बाहिरिने छ ।
टस जितेर ब्याटिङ गरेको बागमती निर्धारित २० ओभरमा सबै विकेट गुमाई १ सय १७ रनमा सीमित भयोे । बागमतीका लागि शुभ कंसाकारले ३४ बलमा ३ छक्का र ४ चौका प्रहार गरी ४१ रन बनाउँदा रविन जोशीले ३१ रनको योगदान दिए । सुदूरका प्लेयर अफ द म्याच नारायण जोशीले २ ओभर बलिङ गर्दै ९ रन दिएर ३ विकेट लिँदा नरेन साउदले २ विकेट लिए ।
जवाफमा १ सय १८ रनको लक्ष्य पाएको सुदूरले १९ दशमलव २ बलमा ८ विकेट गुमाई सो विजयी लक्ष्य पार गरेको थियो । सुदूरको जितमा नरेन भट्टले ३० रन बनाउँदा दीपक बोहोराले २२ रन, किरण ठगुन्नाले २१ रन र नारायण जोशीले १६ रनको योगदान दिए । बागमतीका गौतम केसीले ३ विकेट लिँदा विपिन आचार्य र इशान पाण्डेले २–२ विकेट लिए ।
दोस्रो खेलमा एपीएफले घरेलु टोली कोशी प्रदेशलाई ४ विकेटले पराजित गरेको छ । एपीएफसँग पाराजित भएको कोशी प्रतियोगिताबाट बाहिरिएको छ । समूह ‘ए’ मा ३ खेलमा १ मा जित र २ मा पराजयसहित कोशी २ अंकका साथ तेस्रो स्थानमा रहेको छ । कोशीले लिगको अन्तिम खेल मंगलबार आर्मीसँग खेल्ने छ भने एपीएफले प्रतियोगितामा पहिलो जित निकालेको छ । २ खेलमा १ मा जित र १ मा पराजयसहित एपीएफ २ अंकका साथ तालिकामा चौथो स्थानमा रहेको छ ।
टस जितेर ब्याटिङ गरेको कोशीले निर्धारित २० ओभरमा सबै विकेट गुमाई १ सय १७ रनको योगफल तयार पारेको थियो । कोशी विकेट किपर सोनु अन्सारीले ३१ बलमा २ छक्का र ३ चौका प्लेयर अफ द म्याच भुवन कार्की, यज्ञमान कुमाल, अमर रोटेला र इर्साद अहमदले २–२ विकेट लिए ।
जवाफमा १ सय १८ रनको लक्ष्य पछ्याएको एपीएफले १८ दशमलव ५ बलमा ६ विकेट गुमाई लक्ष्य पार गरेको थियो । एपीएफकोे जितमा पूरन विकले ३६ रन, प्रनित थापामगरले २० र अरुण ऐरीले १५ रनको योगदान दिए । मधेसका फिर्दोस अन्सारीले ४ ओभरमा १६ रन दिएर ३ विकेट लिँदा दिपेश कँडेलले १ विकेट लिए ।
मंगलबारको पहिलो खेल घरेलु टोली कोशी र आर्मी तथा दोस्रो खेल बागमती र गण्डकीबीच हुने मोरङ क्रिकेट संघका अध्यक्ष महमद साद बाबु कुरैसीले जानकारी दिए ।
Post Views: 2