विराटनगर, २२ वैशाख । विराटनगरका कोशी अस्पताल र दुई निजी अस्पतालले कोभिड–१९ उपचार केन्द्र सञ्चालन गरिरहेका छन् । नोबेल मेडिकल शिक्षण अस्पताल र बूढीगंगाको विराट मेडिकल शिक्षण अस्पतालले कोरोना उपचार केन्द्र सञ्चालन गरिरहेका छन् । यस्तै विराटनगरकै न्यूरो अस्पतालले पनि कोभिड उपचार केन्द्र सञ्चालन गर्ने तयारी गरिरहेको छ ।
विराटनगर–१० स्थित कोशी कोभिड अस्पतालले ९६ बेडको कोभिड अस्पताल सञ्चालन गरिरहेको छ । निःशुल्क कोभिड उपचार हुने यो अस्पतालमा अब ५३ बेड खाली छ । ४३ वटा शैयामा भने बिरामी रहेको विराटनगर महानगरपालिकाका कोभिड संयोजक हैदर अलीले जानकारी दिए ।
यसैगरी विराटनगर–४ स्थित नोबेल अस्पतालको कोभिड उचार केन्द्रमा अब १९ बेड मात्र खाली छन् । १४४ बेड क्षमता भएको यो अस्पतालको कोभिड उपचार केन्द्रमा १२५ संक्रमितले उपचार गराइरहेका छन् ।
बूढीगंगाको विराट अस्पतालको कोरोना उपचार केन्द्रमा १३८ संक्रमित उपचाररत छन् । १६२ बेड भएको यो उपचार केन्द्रमा २४ बेड खाली छन् ।
विराटनगर महानगरपालिकामा कोरोना भाइरस संक्रमितको संख्या १९ सय ४० पुगेको छ । बुधबार १८७ जनामा कोरोना संक्रमण पुष्टि भएसँगै कुल संक्रमतिको संख्या १९ सय ४० पुगेको अलीले जानकारी दिए ।
Post Views: 9