लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
विराटनगर । कोशी प्रदेश प्रहरी प्रमुख प्रहरी नायब महानिरीक्षक (डीआईजी) चन्द्रकुवेर खापुङले प्रहरी शासक नभई सेवक भएको बताएका छन् ।
आइतबार जिल्ला प्रहरी कार्यालय, मोरङको निरीक्षण भ्रमणपछि जिल्ला प्रहरी कार्यालय र मातहतमा कार्यरत कर्मचारीहरूलाई निर्देशन दिने क्रममा उनले सो कुरा बताएका हुन् ।
उनले प्रहरी शासक होइन सेवक हो भन्ने धारणालाई आत्मसात गरी कानुनको परिधिमा रहेर जनचाहनाबमोजिमको सुरक्षा प्रदान गर्न निर्देशन दिए ।
निरीक्षण भ्रमणका क्रममा उनले कार्यालय भवन, सम्पूर्ण शाखाहरू, ब्यारेक, मेस, क्यान्टिन, हिरासत कक्षको निरीक्षण तथा अवलोकन गरेका थिए ।
यसका साथै उनले सामाजिक सञ्जालको सही सदुपयोग गर्न, साइबर क्राइमका घटनाहरूलाई न्यूनीकरण गर्न सचेतनामूलक कार्यक्रमहरू सञ्चालन गर्नका साथै खुल्ला सिमानाका कारण हुने विभिन्न आपराधिक गतिविधि, चोरी–तस्करीका घटनाहरूलाई नियन्त्रण गर्न आ–आफ्ना इलाकाहरूबाट लामो तथा छोटो दूरीका प्रहरी गस्ती खटाउन निर्देशन दिए ।
सम्बोधनकै क्रममा उनले दैनिक कामकारबाहीलाई चुस्तदुरूस्त बनाई अभिलेखीकरण गर्दै लैजाने र आम सेवाग्राहीसँग समान व्यवहार गरी प्रहरी संगठन र कार्यालयको श्रीवृद्धिमा लागि पर्नका साथै ऐन–नियमहरूको अध्ययन गर्ने बानी बसाल्न समेत सम्पूर्ण प्रहरी कर्मचारीहरूलाई निर्देशन दिए ।
निरीक्षण भ्रमणका क्रममा प्रदेश प्रहरी प्रमुख खापुङलाई जिल्ला प्रहरी कार्यालय, मोरङका प्रमुख प्रहरी उपरीक्षक (एसपी) नवराज कार्कीले जिल्लाको समग्र शान्तिसुरक्षाका सम्बन्धमा जानकारी गराएका थिए ।
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।