इटहरी । सुनसरी र झापाका छुट्टा–छुट्टै स्थानबाट अवैध लागूऔषधसहित सातजनालाई प्रहरीले पक्राउ गरेको छ ।
प्रहरी चौकी चारआलीको प्रहरी टोलीले झापाको चारआली चौकबाट शंकास्पद अवस्थामा हिँडिरहेका झापाको मेचीनगर नगरपालिका १४ का २२ वर्षीय अजय राजवंशी र मेचीनगर नगरपालिका १२ का २२ वर्षीय समीर धिमालको साथबाट ३ ग्राम लागूऔषध ब्राउनसुगरसहित पक्राउ गरेको हो ।
यसैगरी वडा प्रहरी कार्यालय धरानले प्रतिबन्धित औषधि ट्रामाडोल १९२ एम्पुल र डिकोलिक १९२ एम्पुलसहित सुनसरीको धरान उपमहानगरपालिका १० की १९ वर्षीया श्रद्वा क्षेत्री, २३ वर्षीय किसन राई, १५ वर्षीय गोपाल क्षेत्री र १७ वर्षीय उत्सब बिकलाई अवैध लागूऔषधसहित पक्राउ गरेको हो ।
यस्तै, अस्थायी प्रहरी पोष्ट बरगाछी धरानबाट खटिएको प्रहरीको टोलीले झापाको झापा गाउँपालिका ६ घर भई हाल धरानको भोटेपुलमा होटल सञ्चालन गरी बसेका ६४ वर्षीय दिलबहादुर कार्कीलाई शंका लागेर चेकजाँच गर्दा उनको सुत्ने कोठा भित्रबाट स्पास्मोप्रोक्सिबन १०० ट्याब्लेट बरामद गरेको प्रहरीले जनाएको छ ।
अवैध लागूऔषधसहित पक्राउ परेका सातैजनामाथि सम्बन्धित प्रहरी कार्यालयहरूबाट आवश्यक अनुसन्धान भइरहेको प्रहरीले जनाएको छ ।
Post Views: 2