लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
मोरङ : सामूहिक बलात्कारमा दोषी ठहर भए पनि कैद तथा जरिवाना भुक्तान नगरिकन फरार रहेका एक जनालाई मोरङको केराबारीबाट प्रहरीले पक्राउ गरेको छ । घटना भएको ८ वर्षपछि केराबारी गाउँपालिका ८ का ३१ वर्षीय अशोककुमार भनिने गिरिजा बस्नेतलाई पक्राउ गरिएको मोरङ प्रहरीका प्रवक्ता डीएसपी दीपक श्रेष्ठले जानकारी दिए ।
उनका अनुसार बस्नेतसहित तीन जनाले २०७१ साल जेठ ९ गते विद्यालयबाट फर्कदै गरेकी १६ वर्षीया किशोरीलाई मोटरसाइकलमा राखी जङ्गलमा पुर्याएर सामूहिक बलात्कार गरेका थिए । घटनामा संलग्न प्रकाश थापा त्यतिबेलै पक्राउ परेपनि दुई जना फरार थिए । फरार रहेकामध्ये बस्नेतलाई इलाका प्रहरी कार्यालय बेलबारीका प्रहरी निरीक्षक खगेन्द्र धमला नेतृत्वको टोलीले पक्राउ गरेर बिहीबार अदालतमा पेश गरेको छ ।घटनामा संलग्न एक जना अझै फरार रहेको र खोजी जारी राखिएको प्रहरीले जनाएको छ ।
२०७२ चैत ३ गते जिल्ला अदालत मोरङले जनही १३ वर्ष कैद सजाय र २५ हजार रूपैयाँ जरिवानाको फैसला गरेको थियो । पक्राउ गरेर प्रहरीले बुझाएपछि बस्नेतलाई अदालतले कैद सजाय भुक्तानका लागि कारागार चलान गरेको प्रहरीले जनाएको छ ।
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।