बाग्लुङ । कोदो बाग्लुङमा सबै भन्दा बढी उत्पादन हुने अन्नबालीमा पर्दछ । यतिबेला किसानलाई कोदो थन्काउन भ्याइनभ्याइ भएको छ । पछिल्लो समय कोदोको महत्व बढ्दै गएको छ । आयातित चामलले कृषिमा झन्झटिलो बालीका रुपमा रहेको कोदो विस्तारै लोप हुने
बाग्लुङका घरबास होम–स्टे को आकर्षण समेत कोदोको परिकार बन्न थालेको छ । पछिल्लो समय होटल, रेष्टुराँ र रिसोर्टमा समेत कोदोको ढिँडोको माग बढ्दै गएपछि कोदो खेती पुनः बढ्न थालेको छ । बाग्लुङको काठेखोला गाउँपालिका–३ धम्जा ओखलेस्थित बेलढुङ्गा सामुदायिक घरबासमा कोदोको सेल रोटी घरबासको प्रमुख आर्कषण भएको घरबास सञ्चालक समितिका सचिव गोपाल श्रीसले बताए । बेलढुङ्गा घरबास मात्रै होइन, बागलुङका २८ सामुदायिक घरबासमा समेत कोदोको ढिँडो, रोटी निकै रुचाइएको होमस्टे सञ्चालक बताउछन् । पहाडी जिल्लाको रुपमा रहेको बाग्लुङमा सिँचाइ सुविधा नभएका अधिकांश स्थानमा कोदोखेती गरिन्छ । तर, विस्तारै कोदोको महत्व बढ्दै गएपछि किसानले महत्वका साथ यसको खेती गर्दै आएका छन् ।
बाग्लुङ नगरपालिकाको सिगाना, काठेखोला गाउँपालिकाको भिमापोखरा, ढोरपाटन, बडिगाड, निसीखोला, तमानखोला, जैमिनी र बरेङलगायतको क्षेत्रमा बढी मात्रमा कोदोखेती हुने गरेको छ भने गलकोट, बडिगाड, बलेवा, रेश लगायतको क्षेत्रमा धानखेती बढी हुने गर्दछ । तिहारको भोलिपल्ट देखिनै कोदो काट्न व्यस्त भएको बाग्लुङ नगरपालिका–८ सिगानाका तुलसा गौतमले बताईन् । गौतमले उत्पादन गरेको कोदो केही घरमै प्रयोग हुन्छ भने केही बजारमा बिक्रीका लागि पठाइने गरेको छ ।
Post Views: 8