विराटनगर । विराटनगर १० मा अवस्थित कान्तिपुर कलेजमा आजबाट स्पोर्ट्स मिट सुरु भएको छ । स्पोर्ट्स मिटको सप्ताहव्यापी कार्यक्रममा क्रिकेट,फुटबल,भलिबल,टेबलटेनिस ,ब्याटमिन्टन,चेस,रनिङ लगायतका खेलहरु समावेश गरिएका छन् ।
आजको उद्घाटन खेलमा टेबलटेनिस र क्रिकेट सम्पन्न भएको छ । आज भएको क्रिकेट खेलमा विज्ञान सङ्कायले दिएको १०४ रनको टार्गेट व्यवस्थापन सङकायले १४ औभरमा ३ विकेट गुमाइ विजयी भएको छ।
व्यवस्थापन सङ्कायका नवराज सङ्ग्रोलाले ५५ रन ल्याउँदा विज्ञान सङ्कायका भोला साहले ३३ रन प्राप्त गरेका थिए ।त्यस्तै विज्ञानबाट रितिक कामत २ र व्यवस्थापनबाट एम.डि आजात र पप्पु मण्डलले समान ३/ ३ विकेट ल्याए । व्यवस्थापन सङ्कायका नवराज सङ्ग्रोलाले ५५ रन ल्याइ ,म्यान अफ द म्याच, घोषित भएका थिए ।
आइतबारसम्म संचालन हुने स्पोर्टस मिटमा फुटबल, क्रिकेट, भलिवल,बुद्धीचाल,टेवल टेनिस र म्याराथुन लगायतका खेलहरु समावेश गर्ने प्रिन्सिपल भुवन नेपालले बताए । स्पोर्टस् मिटमा उत्कृष्ट हुने खेलाडीले माघमा हुने हिसान स्पोर्टस विकमा सहभागि हुन पाउँने प्रिन्सिपल नेपालले बताए । साथै स्पोर्ट्स मिटमा उत्कृष्ट खेलाडिहरुलाइ छात्रावृतीका साथै नगद उपहार समेत दिइने नेपालले बताए ।
कलेजले प्रत्येक वर्ष विद्यार्थीहरूमा भएको प्रतिभा उजागर गर्ने उद्देश्यले स्पोर्टस् मिटको आयोजना गर्दै आइरहेको छ । विद्यालयमा ११ र १२ कक्षामा अध्ययरत १५० जना विद्यार्थीहरूले भाग लिएको विद्यालयले बताएको छ ।
विराटनगर १० मा रहेको कान्तिपुर कलेजले छोटो समयमा पढाइ संग संगै अतिरिक्त क्रियाकलापमा उत्कृष्ट नतिजा ल्याउँदै आइरहेको छ । कलेजले हरेक बर्ष आयोजना हुने हिसान स्पोर्टसमा समेत उत्कृष्ट प्रर्दशन गर्दै आइरहेको छ ।
Post Views: 3