शिब प्रसाद लुईटेल
उदयपुर, ९ साउन । रामपुर र लालबजार क्षेत्रमा बेलका स्वतन्त्र युवा समाजले सरसफाई गरेको छ । ‘नभुलौ आफ्नो जन्मभुमी, नभुलौ आफ्नो मातृत्व, स्वच्छ समाज निर्माण गर्ने, हामी युवाको दायित्व’ भन्ने मुल नाराका साथ युवा समाजले उक्त क्षेत्रमा शनिबार बिहान सरसफाई गरेको हो ।

उक्त क्षेत्रबाट संकलित प्लाष्टिक जन्य फोहोर साथै कुहिने फोहोरलाई युवा समाजले व्यवस्थापन गरेको छ ।

प्लाष्टिक जन्य फोहोरले वातावरणमा नकारात्मक असर पार्ने भएकाले यसको व्यवस्थापनमा ध्यान दिनुपर्ने भन्दै युवा समाजले स्थानियहरूलाई जताततै फोहोर नफाल्न अनुरोध समेत गरेको छ ।

फोहोरमैला संकलनका लागि बेलका नगरपालिकाले ट्याक्टर र स्वास्थ्य शाखाले मास्क र पन्जा उपलब्ध गराएको थियो । यसैगरि स्थानिय ब्यावसायी हरि शंकर घिमिरे, प्रबिन आचार्य, नवराज नेपाल, वडा नम्बर–९ का संयोजक सुक्रिम दाहालले टि–सर्ट सहयोग गरेका थिए ।

यस्तै ईलाका प्रहरी कार्यलय रामपुर ठोक्सिलाले सहयोग गरेको थियो । यस अभियानको नेतृत्व बेलका स्वतन्त्र युवा समाजका अध्यक्ष राजिव तिम्सिनाले गरेका थिए ।

कार्यक्रममा स्थानिय जनप्रतिनिधि लगायत अन्य सामाजिक व्यक्तिहरूको उपस्थिति रहेको गियो ।