विराटनगर । लिवर्टी नेपालले प्रेस युनियन मोरंङका सचिव तथा पत्रकार महासंघ मोरंङका जिल्ला सदस्य गोपाल पोखरेल लगायतलाई सम्मान गरेको छ ।

लिवर्टीको सातौ साधारणसभा तथा दशैँको सुभकामना आदानप्रदान कार्यक्रमका प्रमुख अतिथी मोरंङका प्रमुख जिल्ला अधिकारी काँशिराज दाहालले पत्रकार पोखरेल , युवा व्यवसायी दिनेश कुमार साहा लगायतका जनप्रतिनिधिहरुलाई सम्मान पत्रले सम्मान गरेका हुन ।

कार्यक्रममा अर्थविद डा. भेषप्रसप्रसाद धमला, बुढिगंगा गाउँपालिकाका अध्यक्ष जित नारायण थापा मगर , लायन्स क्लब ३२५ एवानका डिस्टीक गर्भनर रेवत बहादुर कार्की, युवा नेता कृष्ण कार्की, विराटनगर कांग्रेसका सभापती दिपक चपागाँई , राप्रपा नेता राजेश मास्के , स्त्री तथा प्रसुति रोग बिशेषज्ञ डा. सिता घिमिरे लगायतको सहभागिता थियो ।

कार्यक्रमका प्रमुख अतिथी काशिराज दाहालले राज्यले गर्ने काम सामाजिक संघ संस्थाले गरेको बताउँदै मुक्त कण्ठले प्रशंसा गरे । उनले भने, राज्यले गर्ने काम तपाँईहरुले गर्नुभएको छ तपाँईहरुलाई धन्यवाद छ,। त्यसैगरी बुढिगंगा गाउँपालिकाका अध्यक्ष जित नाारायण थापा मगरले समाज रुपान्तरणमा सामाजिक संघ संस्थाहरुले समाजलाई पुर्याएको योगदान भुल्न नहुने बताए । उनले भने,यो संस्थाले पुर्याएको योगदानको उच्च मुल्याकंन समाजले गर्छ ,।