लगानी नउठ्दा व्यापारिक घराना डुब्दै
विराटनगर । विभिन्न लालच देखाएर ठगी गर्ने गिरोह मोरङमा सक्रिय भएका छन् । जग्गा धितो राखेर मोटो रकम लिने र समयमा नतिर्ने गिरोह विराटनगरमा सक्रिय रहेको पाइएको हो । जसको प्रत्यक्ष दबाबमा ललित सोनी परेका...
विराटनगर । झापाको बिर्तामोडमा पहिलो पटक छाला रोग तथा सौन्दर्य सम्बन्धी क्लिनिक सञ्चालनमा आएको छ । बिर्तामोड स्थित खड्का कम्प्लेक्समा डेल्फि स्किन क्लिनिक आज आइतबार देखि सञ्चालनमा आएको हो ।
क्लिनिकको उद्घाटन बिर्तामोड नगरपालिकाकी प्रमुख पवित्रा महतरा प्रसाईँले गरेकी छन् ।
साताको एक दिन हरेक आइतबार डाक्टर रिती आचार्यले सेवा दिने गरि बिर्तामोडमा क्लिनिक सुरु गरिएको र सेवाग्राहीको चाप बढ्दै गए विशेषज्ञ डाक्टरको दैनिक सेवा उपलब्ध गराउने अध्यक्ष प्रकाश बुढाथोकीले बताए ।
दमकमा विगत ८ वर्ष देखि डेल्फि स्किन केयर हस्पिटल सञ्चालनमा रहेको छ । पूर्वका बिरामीहरूलाई सहजता प्रदान गर्न बिर्तामोडमा उक्त हस्पिटल अन्तरगतको क्लिनिक बिर्तामोडमा सुरु गरिएको व्यवस्थापक मीना ढुङ्गानाले जानकारी दिइन ।
क्लिनिकमा ओपीडी सेवा अन्तरगत छाला रोग, छालाको अप्रेसन र अनुहार तथा सौन्दर्य सम्बन्धी उपचार तथा परामर्श प्रदान गरिने डाक्टर रिती आचार्यको भनाइ छ ।
छाला रोगमा नङ, कपाल, चायाँ, कुष्ठरोग, छाला अप्रेसनमा मासु पलाएको, छाला मोटो भएको, मुसा पलाएको, डन्डिफोर, लुतोलगायतका समस्याको उपचार हुने र सौन्दर्य तर्फ चाउरीपना मिलाउने, छाला तन्काउने, सेतोदुबी लगायतका समस्यालाई फोटो थेरापीको माध्यमबाट उपचार हुने र अप्रेसन गर्नुपर्ने विरामको लागि धरान स्थित घोपा क्याम्प सँगको सहकार्यमा सेवा प्रदान गर्दै आएको बताइएको छ ।
बिर्तामोडमा धेरै अस्पतालहरू रहेपनि छाला सम्बन्धी छुट्टै विभाग नभएको र अब यस क्लिनकबाट सहज रुपमा छालाका रोगीहरूले सेवा प्राप्त गर्न सक्ने भएका छन् ।
राष्ट्रियडेली प्रदेश १ का सक्रिय युवाहरूको टिमले सञ्चालन गर्दैआएको अनलाइन पोर्टल हो । समाजका सही घटनाहरूलाई आम-समुदायमाझ पुर्याउनु र राज्यलाई खबरदारी गर्नु हाम्रो उद्देश्य हो । राष्ट्रियडेली अनलाइन आर्थिक मिडिया सञ्चालक संघ नेपाल (इमान) को सदस्य संस्था हो ।